RORELTUHAI 10:9 - Pathien Lekhabu Inthieng (BSI)

⁹ Chun, Ammon thlahai chu Juda mihai, Benjamin hnamhai le, Ephra- im pahnamhai do dingin Jordan râl an kai a; chuongchun, Israelhai chu namên loin an lunginzîng tah a.

RORELTUHAI 10:9 Iomraidhean Croise

2 CHANCHIN SUINA 14:9

Chun, Ethiopia mi Zera chun sipai maktaduoi khat le sakawr tawlailîr za thum leh anni chu a hung thawh a; ama chu Maresa chenin a hung a.

2 CHANCHIN SUINA 15:5

Chuong lai hunahai chun mi hung lût ta ding le a suok ta ding khawm chun muongna hrim hrim a um nawh a, ram po pohai hluotuhai chunga chun lunginzîngna nasatak a um lem a.

DÂN PAHNINA 28:65

Chuong hnamhaia inthawk chun sâwldamna hrim hrim hmu naw ti niu a, in ke ta dingin châwlna hrim hrim um naw bawk a tih; chutaka chun LALPAIN inthinna lungril dâm, mit châuna dâm, nguina lungril dâm pe lem a ti cheu a,

RORELTUHAI 10:10

Chun, Israel mihai chun, “Kan Pathien chu kan lo nghatsan chie ta cheh a, Baalhai rawng chu kan lo bâwl ta leiin i chungah thil kan lo suksuol tah a nih,” tiin LALPA an ko a.

RORELTUHAI 10:8

Chu kum chun Israel thlahai chu an suklungzîngin an nêksâwr êm êm el a, Jordan râl Gilead rama Amor mihai rama Israel mi umhai po po chu kum sâwm le kum riet sûng rau an nêksâwr a.

RORELTUHAI 11:4

A nakie deu chun Ammon mihai chun Israelhai chu an do tah a.

RORELTUHAI 2:15

An fena tieng tiengah LALPA kut chu a se tiengin an chungah a tla pei a, LALPAIN a lo hril ta ang le LALPAIN an kuoma inkhâma a lo hril ta ang khan; chuleiin, duoiin an lunginzing ta nawh a.

RORELTUHAI 6:2

Midianhai chun Israelhai chu an inhmin dêr tah a; chuongchun, Midianhai lei chun Israel thlahai chun tlângah bûkhai, pûkhai, le kulhai an siem a.

1 SAMUEL 13:6

Chun, Israel mihai chun hnaw- chêpin an um ti an inhriet chun, (mihai chu an lunginzîng ta hle el a) mihai chu pûka hai, chîmbuka hai, lungpui phêna hai, kula hai, khur sûnga hai an inbih a.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim nawh a; chuleiin, ka thaw ding mi hril dingin ka ko el che a nih,” a ta.