RORELTUHAI 10:16 - Pathien Lekhabu Inthieng (BSI)

¹⁶ Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.

RORELTUHAI 10:16 Iomraidhean Croise

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

2 LALHAI 13:23

Nisienlakhawm, LALPAIN Ab- raham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom nawh a, a kuoma inthawk chun a la pei thlâk nuom ta naw rawp a.

2 CHANCHIN SUINA 15:8

Asa chun hieng thu le, zâwlnei Oded thuhrilhai chu a hriet chun, ân sukhuoi a, Juda le Benjamin ram po poa le Ephraim tlâng rama khawpui a lâkhaia inthawka tirdakumnahai po po chu a sie hmang tah a; LALPA mâichâm LALPA tuolpûk hmaa um chu a siem thar bawk a.

2 CHANCHIN SUINA 33:15

Chun, Pathien danglamhai le, milimhai chu LALPA ina inthawk chun a lâk suok a, LALPA in tlânga mâichâm a lo siem tahai po po le, Jerusalema mihai le khan a lâk hmang vawng a; khawpui puoa chun a peihâwn tah a.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

INPÂKNA HLABU 73:21

Ka lungril hi a lungngai a, Ka lungrila khawm sûn angin ka um sih a.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

LUKA 15:20

“Chuongchun, a tho a, a pa kuomah a fe tah a. Chuongchun, hlataka a la um laiin a pain a lo hmuh a, a lunginsiet bêk bêk a, a tlân a, a kuoh a, a fâwp ta ngâwi ngâwi a.

LUKA 19:41

Chun, a tlung ding ṭepin, khuo chu a hmuh a, a ṭap nghah a,

JOHAN 11:34

“Ama chu khâwlai am in inzâl a?” a ta. Anni chun a kuomah, “Lalpa, hung la, en ta,” an ta.

EPHESI 4:32

Chun, inlunginsiet tuoa, lainat- na neiin um unla, Pathienin Kristaa a ngaidam ang bawk cheuin inngai- dam tuo ro.

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

HEBRAIHAI 3:10

Chuongchun, chu thlâhai chunga chun ka lungni nawh a, ‘An lungrilin an ngai suol rawp hlak a, Ka lampuihai khawm an hriet nawh,’ ka tih a,

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

JOSUA 24:23

Chun, ama ma chun, “Chuong chu a ni chun, tûn nangni laia hnam dang pathien umhai chu sie hmang dai unla, in lungrilhai chu LALPA Israelhai Pathien tieng chun in- thlêktir ro,” a ta.

RORELTUHAI 2:18

LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.

1 SAMUEL 12:10

Chun, LALPA chu an ko a, ‘LALPA chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawng- bâwl kan tih,’ an ta.

1 SAMUEL 7:3

Chun, Samuel chun Israel sûng- hai po po kuoma chun, “In lungril takzeta LALPA tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu LALPA ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.

1 SAMUEL 7:4

Chun Israel mihai chun Baalhai le Astarothhai chu an sie hmang a, LALPA rawng chau chu an bâwl tah a.