RORELTUHAI 1:7 - Pathien Lekhabu Inthieng (BSI)

⁷ Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a tih a. Chun, Jerusalemah an ṭhuoi a, chutaka chun a thi tah a.

RORELTUHAI 1:7 Iomraidhean Croise

1 LALHAI 21:19

A kuoma chun, ‘LALPAIN hieng ang hin a tih, I that a, i neipêk nâwk nghâl a ni maw? tiin,’ ti la, a kuomah, ‘LALPAIN hieng ang hin a tih, Uiin Naboth thisen an liekna hmun ngeia hin nanga thisen khawm hi an liek ve ding a nih, tiin,’ ti rawh,” a tih a.

FESUOKNA 29:20

Chun, berâmchal chu that i ta, a thisen chu lâng i ta, Aron nakâwr changtieng hmawra le a naupasalhai nakâwr changtieng hmawra le, an changtieng kutpui chunga le, an changtieng kepuihaiah nâl i ta; chun, thisen la um po chun mâichâm chu a vêl chun thêng i tih.

ISAI 33:1

Nang rawk tuok ngai si loa, rawktu, vervêktaka thaw tuok ngai si loa, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêk- takin thâwng an tih.

ZEPHANIA 3:19

Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15

an lungrilah dân sinthaw chu ziek a nih ti an inentir a; chu chu an sie le ṭha hrietnain an hrietpui a, an lungrilhai chu ân sêl a, akâr leh thiem ân changtir vak a, akâr leh thiemnaw ân changtir vak a.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 13:10

Tûkhawm sala um ding ani chun salah a um hlak, tûkhawmin kâwlhnâma mi a that chun kâwl- hnâma that ding a nih. Hitaka hin mi inthienghai selna le ringna inlang theina a um.

THUPUONGSUO 16:6

Anni chun mi inthienghai le zâwlneihai thisen an insuoh a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.

RORELTUHAI 1:6

Adoni-bezek ruok chu a tlân a; nisienlakhawm, an hnawt a, an man a, a kutpuihai le a kepuihai an tan- pêk a.

RORELTUHAI 9:24

Chu chu Jerubbaal naupasalhai sâwmsari chunga nunsetaka an thaw leia an chunga phuba lâkna a hung tlung theina ding le, anni thattu an unaupa Abimelek chunga le a unauhai that dinga a kut lo sukhrâttu Sekem mihai chunga an thisen a um theina dingin a nih.

RORELTUHAI 9:57

chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla tah a nih.

1 SAMUEL 15:33

Chun, Samuel chun, “I kâwl- hnâmin nuhmeihai nau boa a siem angin i nu khawm nuhmei laia nau bo mi nîng a tih,” a ta. Chuongchun, Samuel chun Agag chu Gilgal khuoa chun LALPA hmaah a sât nawi neng el tah a.