RORELTUHAI 1:2 - Pathien Lekhabu Inthieng (BSI)

² LALPA chun “Juda hang fe raw se, ngai ta u, a kutah ram chu ka pêk tah a nih,” a tih a.

RORELTUHAI 1:2 Iomraidhean Croise

NAMBAR 2:3

Nisa hung suokna khawsak tieng panga an pâwl tam dân izir ang peia puon in zar dinghai chu Juda pâwlhai nîng an ta; chun, Juda thla puipa ding chu Amminadab naupa Nason nîng a tih.

NAMBAR 7:12

Ni khat nia thilinhlân inhlântu chu Juda chi Amminadab naupa Nason a na;

HEBRAIHAI 7:14

Ei Lalpa chu Juda hnam laia inthawka hung suok a ni ti ân lang fel sih a, chu hnam thua chun Mosiein thiempuhai kawng thu iengkhawm a hril nawh.

JOSUA 2:24

Chun, Josua kuoma chun, “LALPAIN a ram pumpui chu ei kutah a lo pêk takmeu el; chu chau khawm chu a ni nawh a, chu rama chênghai po po chu eini, mi ṭiin an thi dang el a nih,” an ta.

THUPUONGSUO 5:5

Chun, upa laia pakhat chun, ka kuomah, “Ṭap naw, ngai ta, Sakei- baknei Juda hnama mi, David Bulpui khan, lekhabu chu phar ding le, a închikna pasari sût dingin a hne tah,” a tih a.

RORELTUHAI 1:3

Juda chun a unau Simeon kuom- ah, “Kanaan mihai hang thaw dingin ka ram bituma hin hung ve la, kei khawm i ram bitumah hung vêng ka tih,” a tih a. Chuongchun, Simeon chun a fepui tah a.

RORELTUHAI 20:18

Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin thlahai chu kan hang thaw nâwk ding am, kan tâwpsan el ta ding?” tiin. LALPA chun, “Hang fe ro, zînga chu chu in kutah ka pêk ta ding a nih,” tiin a dawn a.