NEHEMIA 9:30 - Pathien Lekhabu Inthieng (BSI)

³⁰ Nisienlakhawm, kum tamtak anni chu i dawh a, i thlaraua i zâwl- neihai hmangin i kâwk hlak a; nisien- lakhawm, an na an suksêt a; chuleiin, chu rama mihai kuta chun i pêk tah a.

NEHEMIA 9:30 Iomraidhean Croise

2 LALHAI 18:11

Chun, Assuria lal chun Israel- hai chu Assuria ramah a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir tah a;

2 LALHAI 21:10

Chun, LALPAIN a siehlaw zâwlneihai hmangin thu a hril a,

2 CHANCHIN SUINA 24:19

LALPA kuoma hung ṭhuoi nâwk dingin an kuoma chun zâwlneihai a tir a; anni chu an lo ngâwk a, na an lo daw nuom nawh a.

EZRA 9:10

Chuongchun, tuhin, Aw kan Pathien, hi thua hin iengam hril tâng kan ta? I thupêkhai chu kan lo nghat- san ta sih a:

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw nawh a, an dangchâr sukrêna dingin tui i pêk a.

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thawh a, i thupêk- hai an pawm nawh a, i rorêlna kalin thil an suksuol a; (miin an zâwma an hringpui ding chu); chun, an tuk- hnungkhur an innghat a, an insuk- kâwmawh a, an ngai nuom nawh a.

INPÂKNA HLABU 86:15

Nisienlakhawm, aw LALPA, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 95:10

Kum sâwm li sûng zet chu, chu suonhai chunga chun ka lungninawh a, “An lungrila ngaisuol hmang mi an na, Ka lampuihai khawm an hriet nawh,” ka tih a.

ISAI 28:10

Thununna thu chunga thu- nunna thu inchuon a, thununna thu chunga thununna thu inchuon a, dân chunga dân inchuon a, dân chunga dân inchuon a; hitakah tlâwmte, sawtakah tlâwmte, ti ruok a ni sih a.

ISAI 42:24

Tuin am Jakobhai râllâka la dinga peh a, Israelhai inruhai kuoma pe chu? LALPA a chunga thil ei suksuolna chun a pêk a ni naw am a nih? a lampuiahai an fe nuom si nawh a, an dân thu hlak an awi si nawh.

ISAI 48:9

Ka sukbohmang nawna ding cheuin, ka hming leiin ka lunginsen chu khêk hrîng ka ta, inpâk ka hlawna dingin in chungah insûm ka tih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

JEREMIA 25:4

Chun, LALPA chun inhmataka thoa anni chu hung tirin a siehlaw zâwlneihai po po chu in kuomah a hung tir a, amiruokchu, in lo ngai nawh a, in nahai khawm in sit bawk nawh.

JEREMIA 44:22

Thil tirdakum in thawhai lei le, in thilthawhai suol lei chun LALPA chun a tuor pei ta nawh a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 44:5

Nisienlakhawm, an ngai nawh a, Pathien danghai kuoma riminhnik raw a an khawhlonahai chu nghat- san dingin an nahai khawm an sit nawh a:

JEREMIA 7:25

In thlatuhai Aigupta rama inthawka an hung suok nia inthawka vawisûn ni chen hin ni tin inhmatak- in thoin, ka zâwlneihai ka siehlawhai po po chu an kuomah ka hung tir a;

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk nawh a.

ZEKARIA 7:12

Anih, an lungrilhai chu lungthîr angin an siem a, chuong ni naw sien chu dân le inhmaa zâwlneihai hmanga a thlaraua sipaihai LALPA- IN a pêk thuhai chu an hriet ta ding bah; chuleiin, sipaihai LALPAA in- thawka lunginsenna nasatak chu a hung tlung tah a.

ZEKARIA 7:13

Chun, ama a khêk laiin an ngai nawh a; chuongchun, anni chu khêk an ta, kei khawma ngai naw ningah, sipaihai LALPA chun a tih.

NAMBAR 11:26

Amiruokchu, bûka chun mi pahni an um a, pakhat hming chu Eldad a na, mi dang hming chu Medad a nih; thlarau chu an chungah a um a, tiemhai laia ṭhang chu an na, puon ina ruok chun an va fe ve nawh a; bûka chun thu an hril a.

THILTHAWHAI 13:18

Kum sâwmli lai thlalêra khan an thilthawhai chu a en thei zing a.

THILTHAWHAI 28:25

An inngei ta nawh a, Paulain thu baukhat a hril zoin an suok tah a. A thu hril chu hi hi a nih: — “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre loin, a ṭhatna hauzie le, a en theizie le, a zaidaw theizie dâm chu i ngainêp am a nih?

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hriet- lâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

2 PETER 1:21

Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bo- hmang loa mi po po sim ditpuiin, nangni tiengah a dâwthei a ni lem.