NEHEMIA 9:25 - Pathien Lekhabu Inthieng (BSI)

²⁵ Kulnei khawpuihai le ram ṭhatak takhai chu an lâk a, thilṭha tinrênga sip inhai chu an hluoh a, tuikhur huotsa hai, grêp huonhai, oliv huon dâm, thei kûng tamtakhai chu an nei a; chuongchun, an fâk a, an khawp a, an hung thâu a, i ṭhatna nasataka chun nuom an chên a.

NEHEMIA 9:25 Iomraidhean Croise

1 LALHAI 14:9

nang ruok chun chu i hmaa mihai po po nêkin thil i suksuol nasa bîk a, mi suklunginsenna dingin pathien danghai le milim sunghai i siem a, hnung i mîn nghatsan tah a,

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, LALPAIN a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl tah a.

NEHEMIA 9:35

An chunga i ṭhat thei vei leh, an ramah, ram lientak le ram ṭhatak i pêka chun i rawng an bâwlpêk si naw cheh a, an thil suksuol khawm an bân chuong bawk nawh.

INPÂKNA HLABU 105:44

Chun,hnam tin ramhai chu an kuomah a pêkpêk a, Anni chun mi tin thaw suoksa chu an hluo tah a;

INPÂKNA HLABU 65:11

Kum chu i ṭhatna în khum- tir a, I lampuihai chu thil ṭhain a far hlak.

THUVARHAI 30:9

Ka hung tlai hin inphat ka ti cheh a “LALPA chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsiet- nain hmang rawi ka tih.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ISAI 63:7

LALPAIN thil iengkima a mi vur ang peiin LALPA zainêmzie thuhai le LALPA inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

JEREMIA 31:14

Thiempuhai thlarau chu thâuin sukkhawp ka ta, ka mihai chu ka ṭhatnain tlai an tih, LALPA chun a tih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

EZEKIEL 20:6

chu nia chun Aigupta rama in- thawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

DANIEL 11:24

Inrem lai huna chun ram buoina um nawna hmun hmunahai chun hung a ta, a thlatuhai thlatu- hai amani, a thlatuhaiin amani thil an thaw ngailo chu hung thâwng a tih; chun, anni lai chun hausak- na dâm, râllâk thil dâm le râl- that dâm chu the dar a ta; anih, vawikhat nana na chu a tumnahai chu kul dettak tieng chu innghat a tih.

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre loin, a ṭhatna hauzie le, a en theizie le, a zaidaw theizie dâm chu i ngainêp am a nih?

DÂN PAHNINA 3:5

Hieng khuo po po hi kul in- sângtak tak, kawtkhâr le kalna nei vawng a nih, kul nei lo khuo tamtak tiem lo khawma.

DÂN PAHNINA 32:13

Hnuoi hmun insângahai chun ân chuongtir a, Loa thil rasuok chu a fâk hlak a; Lungpuia inthawka khuoizu ân dâwntir hlak a, Lung changa inthawka hriek leh.

DÂN PAHNINA 32:14

Bâwng nênetui inkhal, berâm nênetui, Berâmte thâuhai leh, Basan ram berâmchal le kêlhai, Bu inhniktak chihai leh; Grêp tui uoin i dâwn a.

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.