NEHEMIA 9:2 - Pathien Lekhabu Inthieng (BSI)

² Chun, Israel hnam chu hnam danghai laia chun an insuktum a; an ngîr a, an suolnahai le an pi le puhai bawsietna thupha an chawi a.

NEHEMIA 9:2 Iomraidhean Croise

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên cheh a,

EZRA 10:11

Chuleiin, tuhin, in thlatuhai Pathien LALPA kuoma chun thupha- chawina siem unla, a dit zâwng chu thaw ro: chuongchun, hmêlmak nu- hmeihaia inthawk le hi ram mihaia inthawkin nangni chu insiehre ro,” a ta.

EZRA 6:21

Chun, Israel thlahai sala inthawka hung suok nâwk a, chu rama ringlo mi inthieng nawnaa inthawka Israel Pathien LALPA chu zawng dinga insie hranhai chun an fâk a,

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiem- puhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng loin, an tirdakumnahai chu an thaw ve zing el a nih.

EZRA 9:15

Aw LALPA, Israel Pathien, nang chu în dik a, a suok a mahla chu i mi lo hlapêk ta sih a, vawisûn ni ang chen khawm hin: ngai ta, kan khaw- hlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si nawh a,” tiin.

EZRA 9:2

An naupasalhai le annihai ta ding ngei khawma an naunuhmeihai an nei sih a; chuongchun, chi inthieng chu annia hin hieng rama mihai le hin ân chawkpawl tah a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

NEHEMIA 1:6

Israel thlahai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel thlahai ka ngênpêkna hi lo ngaithlapêk la; kei le ka pa sûnghai chu kan lo suol ta sih a.

NEHEMIA 10:28

Chun, mi dang, thiempuhai, Levi mihai, kawtkhâr vêngtuhai, hla- saktuhai, Nethinim mihai le Pathien Dân zâwm tuma chuong rama mihaia inthawka insiekienghai po po, an nuhmeihai, an naupasalhai, an nau- nuhmeihai, hrietna le hrietthiemna neihai taphawt chun,

NEHEMIA 10:29

an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga LALPA ei Lalpa thupêkhai po po le a rorêlnahai le a thuruothai chu zâwm ve vawng a;

NEHEMIA 13:3

Chun, Dân chu an hang ngai zo chun Israel mihai laia inthawk chun anni chawkpawltu mipuihai chu an suktum tah a.

NEHEMIA 13:30

Chuong ang chun ram dang mihaia inthawkin ka sukthieng a, thiempu dâm, Levi mihai ta dinga an sinthawna sengah an rawngbâwl dân ding ka ruotpêk a;

INPÂKNA HLABU 144:11

Mi sansuok la, mikhuolhai kuta inthawkin mi sanhim rawh, An bau chun thu teplo mei mei an hril hlak; An kut changtieng chu kut changtieng indik naw a nih.

INPÂKNA HLABU 144:7

Chungtienga inthawkin i kut hung ban la, Mi sansuok la, tui liena inthawkhai hin mi sanhim rawh, Mikhuolhai kuta inthawk hi.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an nih a, ram dang mi nauhai leh kut le kut an inben leiin, i mi Jakob sûnghai chu i mâksan ta sih a.

JEREMIA 14:20

Aw LALPA, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta sih a.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

DANIEL 9:20

Chun, ṭawngṭaia, ka suolna le ka mi Israelhai suolna chu thupha- chawia, ka Pathien tlâng inthieng ta dinga ka Pathien LALPA hmaa ka hninahai kân tluna, ka ṭawng lai zing chun,

HOSEA 5:7

LALPA chungah vervêktakin an thaw a nih; Hnam dang nauhai an nei sih a; Thla thar chun an lohma chen leh bohmangna intlun a tih.