NEHEMIA 9:19 - Pathien Lekhabu Inthieng (BSI)

¹⁹ i lunginsietna nasatak chun thlalêra khan i thlathlam chuong nawh a: lampuia anni ṭhuoi dinga an chunga sûm ngîr chun sûnah anni a mâksan chuong nawh a, anni ên ding le an fena lampui khîkhmu dinga meichawk ngîr khawm chun zânah a fesan bawk nawh.

NEHEMIA 9:19 Iomraidhean Croise

NEHEMIA 9:12

Sûna chun sûm ngîrin i ṭhuoi hlak a, zâna khawm an fena ding lampuia anni ên dingin meichawk ngîrin i ṭhuoi hlak.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlma- haia inthawkin sansuoktu ding sandamtuhai i pêk a.

NEHEMIA 9:31

Nisienlakhawm, i zainêmna na- satak chun an tâwp sawng elna ding chu în tlungtir nawh a; i thlathlam chuong bawk nawh, Pathien mi lunginsiet theitak, lainatnaa sip i ni sih a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt tah a.

INPÂKNA HLABU 136:16

A mihai thlalêra ṭhuoitu kuoma chun: A ngilneina chu kumkhaw- tluongin a um ding a ni sih a.

FESUOKNA 40:36

An inzin sûng po po chun, sûm chu biekbûk chunga inthawka lâk kânga a um phingleh Israel thlahai chun hmatieng an pan pei a;

FESUOKNA 40:38

An inzin sûng po chun, Israel sûnghai po po mithmuah, LALPA sûm chu biekbûk chungah sûnah a um a, zâna chun sûma chun mei- chawk a um hlak a.

ISAI 44:21

Aw Jakobhai, chuong thilhai chu hre zing ro, Israelhai, hre zing bawk ro; ka siehlawhai in ni sih a; keiin kân ngîr cheu a; ka siehlawhai in nih; aw Israelhai, ka theinghilin um naw ti niu.

ṬAP HLA 3:22

A lunginsietna chun a tlin naw naw leiin, LALPA zângaina leiin sukbohmangin ka um hri nawh a.

EZEKIEL 20:14

Chun, ka hming leiin, hnamhai anni mithmua anni ka hung ṭhuoi- suoknahai, chuonghai mithmua chun hrilsiet a ni ding a ni nawh tiin ka thawh a.

EZEKIEL 20:17

Nisienlakhawm, anni suksiet- naa inthawk chun ka mit chun a hlah a, thlalêra khan anni chu ka lo suktâwp dêr el bawk nawh a.

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thawh a, ka kut chu ka keitîm tah a.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni loin, amiruokchu, i zângaina leiin kan hninahai chu i hmaah kan hung intlun a ni lem sih a.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta sih a;

MALAKI 3:6

“Kei LALPA hi ka danglam ngai si nawh a; chuleiin, nangni, aw Jakob naupasalhai, in bohmang naw a nih.

NAMBAR 14:14

hi rama mihai hi hril an ta; hieng mipuihai lai hin i um ti an hriet tah a; hmaisan meuin an hmu ta si cheh a; i sûm chu an chungah a um hlak a; chun, sûnah sûmngîr, zânah meiin an hma i ṭhuoi hlak sih a.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

1 SAMUEL 12:22

A hming ropuitak lei hin LALPA chun a mihai chu a nghatsan âwm si nawh a, a mihai ni dinga siem cheu chu LALPA lâwm zâwngtak a ni sih a.