NEHEMIA 8:18 - Pathien Lekhabu Inthieng (BSI)

¹⁸ ni tin a ṭantir nia inthawka a tâwp chenin Pathien Dân bua mi an tiem bawk a. Ruoiṭhe chun ni sari an awh a; chun a ni riet ni chu thupêk anga a ṭumṭiekna ni chu a nih.

NEHEMIA 8:18 Iomraidhean Croise

NEHEMIA 8:2

Chuongchun, thla sarina, ni khat niin thiempu Ezra chun pung- khâwmhai nutling, patling le a hrethiem thei chin po po hmaa chun Dân chu a hung chawi a.

NEHEMIA 8:3

Chutaka mi chu Tui kawtkhâr hmazâwn hmun lienna laia chun nutling, patling le a hrethiem thei chinhai lai zîngtienga inthawkin sûn chenin a tiem a; mi po po chun Dân bu thua chun an na an sit ṭhuop el a.

LEVI DÂN 23:36

Ni sari sûng chun, mei hmanga thilinhlân LALPA kuomah inhlân in ta, a ni riet ni chu in ta dingin inkhâwmpui inthieng nîng a ta; mei hmanga thilinhlân LALPA kuomah in inhlân ding a nih; inkhâwmpui ursûn a na; sin hrim hrim in thaw ding a ni nawh.

LEVI DÂN 23:41

Hi hi LALPA kuoma ruoiṭhe angin kum khatah ni sari sûng in hmang ding a nih; in thlahai chena kumkhaw dân ding a nih; thla sarinaah in nei hlak ding a nih.

NAMBAR 29:35

“A ni riet ni chun inkhâwmpui ropuitak nei in ta; ieng sin khawm in thaw ding a ni nawh;

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.