NEHEMIA 5:7 - Pathien Lekhabu Inthieng (BSI)

⁷ Chuongchun, ka lungrilin ka ngaituo a, mi ṭhahai le rorêltuhai chu ka khak a, an kuomah, “Mi tinin in unauhai a pung hnawtin sum in inpûktir zing el a,” ka tih a. Chun, an chungchâng chu ngaituo dingin mi ka ko khâwm ṭeu el a.

NEHEMIA 5:7 Iomraidhean Croise

INPÂKNA HLABU 109:11

A pung hnawta tangka inpûk- tirtu chun a nei po po chu lâkpêk vawng sienla, Mikhuolhai chun a sininrim ra chu lâkpêk raw hai se.

INPÂKNA HLABU 15:1

LALPA, i puon ina chun tu am hung mikhuol a ta? I tlâng inthienga chun tu am hung um a ta?

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

INPÂKNA HLABU 27:8

“Ka hmêl zawng ro,” tih a i hril lai khan, ka lungril chun i kuomah, “LALPA, i hmêl zawng ka tih,” a tih a.

INPÂKNA HLABU 4:4

Ṭi unla, thil suksuol naw ro; In khumlaizâwla chun in lungrilah inngaituo unla, to ṭhiep ro.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

FESUOKNA 22:24

ka lunginsenna chu hung lum a ta, kâwlhnâmin that ka ti cheh a; i nuhmei chu hmeithai nîng a ta; i nauhai chu fahra nîng an tih.

FESUOKNA 22:25

“I kuoma ka mihai pasie tukhawm kuomah tangka în pûktir chun, a chunga chun lei inbattirtu ang i ni ding a ni nawh a; ama chunga chun a pung i hnawt kher ding a ni nawh.

THUVARHAI 27:5

Phuongphotaka inkâwkna hi a ṭha lem, Hmangaina inthup nêk chun.

THUVARHAI 28:4

Dân mâksantuhai chun mi rilo chu an inpâk a, Dân vawngtuhai chu anni leh an inkhing.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp tah a; kei i mi lo theinghil tah a nih, Lalpa PATHIEN chun a tih.

EZEKIEL 45:9

“Lalpa PATHIEN chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa PATHIEN chun a tih.

LEVI DÂN 19:15

“Rorêlnaa chun fellotakin in rêl ding a ni nawh, mi rimsi chu i thlier ding a ni nawh a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.

LEVI DÂN 25:36

A kuomah tangka amanih, thil amanih, a pung la naw rawh; Pathien ṭi lem rawh; i unau chu i kuoma a khawsak theina dingin.

MATTHAI 18:17

Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.

2 KORINTH 5:16

Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.

GALATI 2:11

Chun, Kipha chu Antiokeia a hung laiin demumtaka a um leiin, a hmai san ngeiah ka kal a.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

TITA 2:15

Thuneitakin, chuonghai chu hril la, kâwk rawh. Tûkhawmin hmu- sit naw raw hai se che.