NEHEMIA 5:16 - Pathien Lekhabu Inthieng (BSI)

¹⁶ Anih, hi kul sin thaw hin ka um zing a, ram hrim hrim inchâwk khawm kân châwk nawh a: ka mihai po po khawm sin chu thawin chutaka chun an um khâwm zing a nih.

NEHEMIA 5:16 Iomraidhean Croise

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hleh a, tangka shekel sâwmli tiem loin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

NEHEMIA 5:17

Chu chau khawm chu ni loin kan vêla hnam danghai laia inthawk- a hunghai tiem loin Judahai le rorêl- tuhai laia mi ka dawkâna awt hlak mi za le sâwmnga an um zing a nih.

NAMBAR 16:15

Chuongchun, Mosie chu a lung a sen hle el tah a; LALPA kuomah, “An thilinhlân chu pawm naw rawh, an sabengtung chu pakhat khawm ka lâk nawh a, tukhawm ka sukna bawk nawh,” a ta.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

1 KORINTH 15:58

Chuleichun, ka unau dittakhai, dettakin, sukchâng ruolloin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet sih a.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.