NEHEMIA 4:7 - Pathien Lekhabu Inthieng (BSI)

⁷ Amiruokchu, Sanballat hai, Tobia hai, Arab mihai, Ammon mihai le Asdod mihaiin kul chu siem ṭhat a ni pei ti an hriet chun an lunginsen ta hle el a;

NEHEMIA 4:7 Iomraidhean Croise

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

2 LALHAI 24:2

Chun, LALPAIN Kaldai pâwlhai, Suria pâwlhai, Moab pâwlhai, Ammon thla pâwlhai ama thaw dingin a tir suok tah a; a siehlaw zâwlneihai hmanga a hril LALPA thu anga Juda ram chu insuksiettir dingin.

2 CHANCHIN SUINA 20:1

Hi hnunga Moab thlahai le Ammon thlahai chu, Meunim mi ṭhenkhathai le chun Jehosaphat chu do dingin an hung thaw tah a.

EZRA 5:8

Juda ram bielah, Pathien in ropuitaka chun kan feh a, chu chu lung ropuitakhaia bâwl a na, a banghai chu thinga siem a na; chun, sin chu taimataka thaw pei a na, an kuta chun a hung hlawtling hle el a nih ti hi lal chun lo hre raw se.

NEHEMIA 2:10

Chun, Horon mi Sanballat le Ammon mi siehlaw, Tobia haiin an lo hriet chun, Israel thlahai thawveng- na ding ngaituo dingin mi an hung a ni chu tie tiin an lo lungninaw hle el a.

NEHEMIA 2:19

Amiruokchu, Horon mi San- ballat le Ammon mi siehlaw Tobia le Arab mi Gesemin an hriet chun, an mi nuisan a, an mi hmusit a, “In thil thaw hi iengtizie am a na? Lal chungah in hel am a nih?” dâm an tih a.

NEHEMIA 4:1

Nisienlakhawm, Sanballat chun kul kan siem ṭha ti a hriet chun, nasatakin a lunginsen a, a lungawi ta nawh a, Judahai chu a dêusâw tah a.

NEHEMIA 4:6

Chuongchun, kul chu kan siem a, ân sâng tieng chenvein kul po po chu kan zawm suok vawng a; mipuihai chun thaw inhâwkna lungril chu an put hle a.

NEHEMIA 4:8

chuongchun, Jerusalem chu hung thawa buoina siem chu an rawt tâwl tah a.

NEHEMIA 6:16

Chun, kan hmêlmahai po poin chu chu an lo hriet chun, kan vêla hnam danghai chun an ṭi tah a, chan se ta hlein an inhriet a, sin chu kan Pathien thaw a nih ti an hriet ta sih a.

JEREMIA 25:20

mi chilakhai po po, Uz rama lalhai po po, Philistin mihai rama lal po pohai, (Askelon, Gaza, Ekron le Asdoda la mahlahai leh);

JEREMIA 41:10

Chun, Ismael chun Mizpaa mi la chuonghai po po, lal naunuhmeihai le, Ahikam naupa Gedalia kuoma Nebuzaradanin ân kawltir Mizpaa la umhai po po chu salah a ṭhuoi hmang tah a; Nethania naupa Ismael chun anni chu salah a ṭhuoi a, Ammon thlahai chu fethlengpui dingin a fe suok tah a.

AMOS 1:13

LALPAIN hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 1:8

chun, Asdod khuoa inthawka hluotuhai le Askelon khuoa inthawka lal hmawl chawituhai chu sukbo- hmang ka tih; chun, Ekron khaw chungah ka kut inlet ka ta, chun, Philistin mi la umhai chu bohmang an tih,” Lalpa PATHIEN chun a tih.

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

THILTHAWHAI 5:33

Chun, anni chun chuong thu chu an hrietin an lungril a khei tah a, sukhlum an tum tah a.

THUPUONGSUO 12:17

Chuongchun, drakon chu nu- hmei chunga chun a hung lunginsen a, a thla la um Pathien thupêkhai zâwm a, Isu inhriettirna thu pawm- hai chu do dingin a fe tah a.

1 SAMUEL 11:2

Ammon mi Nahas chun an kuomah, “Hieng ang hin a nih in kuoma thu ka thlung ding chu; in mit changtieng po po kheldawk vawng ding nîng a ta, chu chu Israel mi po pohai ta dinga hmingsietna nîng a tih,” a ta.