NEHEMIA 2:3 - Pathien Lekhabu Inthieng (BSI)

³ Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram tah a, a kawtkhârhai chu a kâng vawng ta sih a, lungngai hmêl put lo thei am nîng ka ti?” ka tih a.

NEHEMIA 2:3 Iomraidhean Croise

1 LALHAI 1:31

Chuongchun, Bathseba chu a hmaia hnuoi sikin a bawkkhup a, lal chu chibai a bûk a, “Ka pu lal David hi kumkhawtluongin dam zing raw se,” a ta.

2 LALHAI 25:8

Chuongchun, Babulon lal, lal Nebukadnezzar inlal kum sâwm le kum kuona, thla ngana, ni sari ni chun Babulon lal mi, vêngtu pâwl hotu Nebuzar-adan chu Jerusalemah a lût a;

2 CHANCHIN SUINA 21:20

Rorêl a ṭan chun kum sâwm- thum pahni mi a na, Jerusalema chun kum riet ro a rêl a; ama chu ngainatna um loin a thi tah a; David khawpuia chun an phûm a, lalhai thlân ina khan ni loin.

2 CHANCHIN SUINA 28:27

Chun, Ahaz chu a thlatuhai laia chun a in tah a, khawpuiah, Jerusa- lema chun an phûm tah a; Israel lalhai thlân ina chun an sie nawh a; chun, a naupa Hezekia chun ama aia chun ro a rêl tah a.

2 CHANCHIN SUINA 32:33

Chun, Hezekia chu a thlatuhai lai a in tah a; David naupasalhai thlân in hang kainaa khan an phûm a; Juda mi po po le Jerusalema um po po chun a thi ni chun ropuitakin an râl a. Chun, a naupa Manasse chun ama aia chun ro a rêl tah a.

2 CHANCHIN SUINA 36:19

Chun, Pathien in chu an rawh a, Jerusalem kul chu an vuokchim a, chutaka a lal inhai po po chu meiin an rawh a, chutaka bûr le bêl ṭhahai po po chu an suksiet bawk a.

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum tah a, a kawtkhârhai khawm a kâng a,” an tih a.

NEHEMIA 2:13

Zâna chun Ruom kawtkhâra chun ka suok a, Dragon Tuisunsuo tieng le Hmunhnawk kawtkhâr tienga chun ka feh a; Jerusalem kul chimhai le a kawtkhâr kânghai chu ka en vêl a.

ESTHER 8:6

ka chipuihai chunga chuong thil ṭha naw hung tlung ding chu iengtin am tuor thei ka ta? Annawleh, ka chi le kuonghai suksieta an umna chu ka en ngam ding am a nih?” a ta.

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet sih a.

INPÂKNA HLABU 102:15

Chuongchun, hnam tinin LALPA hming chu ṭîng an ta, Hnuoia lal po pohai chun i ropuina chu ṭî bawk an tih.

INPÂKNA HLABU 137:6

Ka hriet zing naw che chun, Ka lei hi ka dangah kawp tlat raw se; Ka hlimna tak nêka Jerusalem ka dit lem naw chun.

INPÂKNA HLABU 38:7

Ka kâwng hi a sa vut vut zing a, Ka taksaa khawm hin dam lai hrim a um nawh.

JEREMIA 52:12

Chun, thla nganaa, chu thla ni sâwm ni chun, chu chu Babulon lal Nebukadnezzar inlal kum sâwm- pakuona a nih; vêngtu hotu Nebuza- radan lal hmaa ngîr hlak chu Jerusalema chun a hung a,

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet tah a; A lal le hotuhai chu dân um nawnaa hnamhai laia chun an um a; Anih, a zâwlneihai khawma LALPAA inthawka thilhmulâwk an hmu ta nawh.

DANIEL 2:4

Chun, Kaldai mihai chun lal kuoma chun Suria ṭawngin, “Aw lalpa, kumkhuoin dam rawh: i sie- hlawhai hi mang chu mi hril la, a umzie chu hril el kan ti che,” an ta.

DANIEL 3:9

Anni chun lal Nebukadnezzar kuoma chun, “Aw lalpa, kumkhuoin dam rawh.

DANIEL 5:10

Chuongchun, lal le a lalhai thuhai lei chun ruoiṭhena ina chun lalnu chu a hung lût a, lalnu chun a hril a, “Aw lalpa, kumkhuoin dam rawh, i ngaituonahai chun sukbuoi naw sienla che, i hmêlput dân khawm danglam bawk naw raw se.

DANIEL 6:21

Daniel chun lal kuoma chun, “Aw lalpa, kumkhuoin dam rawh.

DANIEL 6:6

Chun, hieng hotuhai le biel awptuhai hi lal kuoma chun an hung inkhâwm a, a kuomah, “Lal Daria, kumkhuoin dam rawh.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.