NEHEMIA 2:13 - Pathien Lekhabu Inthieng (BSI)

¹³ Zâna chun Ruom kawtkhâra chun ka suok a, Dragon Tuisunsuo tieng le Hmunhnawk kawtkhâr tienga chun ka feh a; Jerusalem kul chimhai le a kawtkhâr kânghai chu ka en vêl a.

NEHEMIA 2:13 Iomraidhean Croise

2 CHANCHIN SUINA 26:9

Chunawa khawm, Uzzia chun a Kil dâi Kawtkhâr bula dâm, Ruom dâi Kawtkhâra dâm, chun, kul hung kâwina hmuna dâm khan vêngna in insânghai a bâwl a, sipaihai a sie sip a.

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum tah a, a kawtkhârhai khawm a kâng a,” an tih a.

NEHEMIA 12:31

Chuongchun, Judahai mi lien- hai chu kul chunga chun ka hang ṭhuoi a; lâwmthu hril inzui nghuon nghuon ding pâwl lientak pâwl hni ka ruot a; pâwl khat chu hmunhnawk kawtkhâr tieng, kul chung chang- tieng pangah an feh a;

NEHEMIA 2:12

Chun, zâna chun ka tho a, kei le mi dang tlâwmtêhai le chun: Jeru- salem ta dinga ka thaw ding, ka Pathienin ka lungrila a sie chu tu- khawm ka hril nawh a; ka chuongna sa ngawt naw chu sa dang ka kuoma um a um nawh a.

NEHEMIA 2:15

Chuongchun, zânah vadung chu a tungin ka zui a, kul chu ka en a; chun, ka lêt nâwk a, Ruom kawt- khâra chun ka lût a, chuong ang chun ka hung kîr nâwk tah a.

NEHEMIA 2:17

Chuongchun, an kuomah, “Ei chan a sietzie hi in hmu a, Jerusalem a ram ti dâm, a kawtkhârhai khawm a kâng ti khawm in hriet a; thaw ro, hrilsiet ei ni ta nawna dingin Jerusalem kul hi inngîr nâwk ei tiu,” ka tih a.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram tah a, a kawtkhârhai chu a kâng vawng ta sih a, lungngai hmêl put lo thei am nîng ka ti?” ka tih a.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, LALPA ta an ni si nawh a.