NEHEMIA 13:25 - Pathien Lekhabu Inthieng (BSI)

²⁵ Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

NEHEMIA 13:25 Iomraidhean Croise

2 LALHAI 2:24

Chun, a hnungtieng a hei en chun anni chu a hmu tah a, chuong- chun, LALPA hmingin anni chu ṭawngsie ân phur tah a. Chun, ram- hnuoia inthawk chun savawmpui pa- hni an hung suok a, anni laia nau- pang sâwmli le pahni chu an hung sê tah a.

EZRA 10:5

Chun, Ezra chu a tho a, thiempu laltakhai, Levi mihai, Israel mi po pohai le chun hi thu ang tak hin inkhâm dingin a tir tah a. Chuong- chun, an inkhâm tah a.

EZRA 7:26

Mi tukhawm i Pathien dân anga thaw lo le lal dân anga thaw lo chu a chungah inrangtaka rorêlthlûk ni sienla, thi dingin amanih, hnawtsuok dingin amanih, thuomhnawhai chân ding amanih, lungina khum ding amanih ni dingin,” tiin.

NEHEMIA 13:11

Chuongchun, rorêltuhai chu ka khak a, “Ieng dinga Pathien in hi thlathlam a ni zing el am a ni leh?” ka tih a. Anni chu ka ko khâwm vawng a, an hmun sengah kân umtir nâwk a.

NEHEMIA 13:17

Chuongchun, Juda mi lienhai chu ka khak a, an kuomah, “Châwlni sukpawrchea in thil ṭha naw thaw hi ieng am a nih a?

NEHEMIA 13:24

an nauhai chu Asdod ṭawngin an ṭawng lem hman hman a, chuong- hai ṭawng dân ang chau naw chun Juda ṭawngin an ṭawng thei nawh.

NEHEMIA 5:13

Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sin- thawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka tih a. Chun, a pungkhâwmhai po po chun, “Amen,” an tih a, Lalpa an inpâk a. Chun, mipuihai chun chu thutiem ang chun an thaw tah a.

NEHEMIA 5:6

Chuong thuhai le an rihâu chu ka hrietin ka lunginsen êm êm el a.

INPÂKNA HLABU 119:53

Lungninawna nasatak hin a mi tlâk khum a. Mi rilo i dân fesantuhai leiin.

INPÂKNA HLABU 15:4

Hnâwla umhai chu hmusit a, LALPA ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

FESUOKNA 34:16

An naunuhmeihai chu i naupa- salhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

THUVARHAI 28:4

Dân mâksantuhai chun mi rilo chu an inpâk a, Dân vawngtuhai chu anni leh an inkhing.

ISAI 50:6

Ka ruongzâng hi vawtuhai kuom- ah ka dawh a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

DÂN PAHNINA 6:13

LALPA in Pathien chu in ṭi ding a na, ama rawng chu bâwl in ta, a hming sâlin ṭawng in inkhâm ding a nih.

DÂN PAHNINA 7:3

Nuhmei pasalah in nei ding a ni bawk nawh, in naunuhmeihai chu an naupasalhai leh in inneitir ding a ni bawk nawh.

JOSUA 23:12

Chuong naw chun, in nghatsan hlau a, hieng hnam la umhai, nangni laia la chêng zinghai hi in inkawppui a, anni le nuhmei pasal in innei a, anni chu in pâwl a, anni khawma an pâwl vai cheu chun,