Amiruokchu, Aron le a naupa- salhai chu, Pathien siehlaw Mosien thu a lo pêk ta po po ang khan Israel- hai ta dinga intlanna siempêk dingin le, hmun inthiengtaka rawngbâwlna po poa ding chun pumrawhmang thilinhlânna mâichâm chunga le riminhnik rawna mâichâm chunga chun thil an inhlân a.
“I unaupa Aron hi Israel thlahai laia inthawkin ama le a naupasalhai hi, thiempu sina ka hmaha rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah la tum rawh.
I unaupa Aron le a naupasalhai chu inhâktir i ta, anni chu ka hmaa thiempu sina rawng an bâwl theina dingin hriek nâl i ta, namdet i ta, inhlân thieng i tih.
“Tuhin Thiempu sina ka rawng bâwl dinga anni inhlân thieng dinga an chunga i thaw ding chu hi hi a nih: bâwngchal tuoi pakhat le berâmchal pahni demkailo le,
an kâwng chu kâwngkhiin hrên i ta, lukhim inkhimtir i ta, thiempu nina chu kumkhaw dânah nei an tih: chun, Aron le a naupasalhai chu i hlânthieng ding a nih.
Chuong ang chun intuokna puon in sin po po chu zo a ni tah a, chun Israel thlahai chun LALPAIN Mosie thu a pêk po po angtak chun an thawh a, chuong ang tak chun an thaw tah a.
Sinai thlalêrah, an thilin- hlânhai chu, Israel mipuihai chun LALPA kuoma hung inhlân dinga thu a pêk nia, Sinai tlânga LALPAIN Mosie kuoma thu a pêk chu a nih.
