LEVI DÂN 3:1 - Pathien Lekhabu Inthieng (BSI)

¹ “A thilinhlân chu inremna thilin- hlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, LALPA hmaa demkailo ân hlân ding a nih.

LEVI DÂN 3:1 Iomraidhean Croise

1 CHANCHIN SUINA 21:26

Chun, Davidin chutaka chun mâichâm chu LALPA ta dingin a siem a, pumrawhmang thilinhlân le, in- remna thilinhlân chu ân hlân a, LALPA chu a ko tah a; chun, ama chun vâna inthawk chun pumraw- hmangna mâichâm chungah meiin a zuk dawn tah a.

FESUOKNA 20:24

Ka kuomah leihnuoiin mâichâm siem i ta, chu chunga chun rawhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.

FESUOKNA 24:5

Chun, Israel thla tlangvâlhai chu a tir a, LALPA kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

FESUOKNA 29:28

Aron le a naupasalhai chan dinga Israel thilinhlân an pêk zing ding an bat nîng a tih; chu chu an inremna thilinhlânhaia inthawka thiempu chan dinga Israel thlahai inhlân ding chu nîng a tih; LALPA kuoma an dawmkâng thil inhlân chu a nih.

THUVARHAI 7:14

“Inremna thilinhlânhai inthâwina inhlân ding ka nih a, Hi ni hin ka thutiemhai chu kân thien tah a.

EZEKIEL 43:27

Chun, nihai chu an hmang zo pha, ni rietnaa inthawk chu, thiem- puhai chun in pumrawhmang thilin- hlânhai chu mâichâma chun thâwng an ta, in inremna thilinhlânhai le chun; chuongchun, lo pawm ka ti cheu, Lalpa PATHIEN chun a tih,” tiin.

EZEKIEL 45:15

chun, berâm ruol za hni peiah berâm pakhat, Israel ram hlopetna hmun ṭhataka inthawkin, bu thilin- hlâna ding le, pumrawhmang thilin- hlâna ding le, inremna thilinhlâna dinga an ta dinga intlanna siempêk dingin pêk nîng a tih, Lalpa PATHIEN chun a tih.

LEVI DÂN 1:10

“A thilinhlân chu pumrawhmang thilinhlân dinga ran ruol laia mi, berâm amanih, kêl amanih a ni chun, a chal demkailo ân hlân ding a nih.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu LALPA hmaa pawm a ni theina dingin intuokna puon in kawt- khâr bula chun ân hlân ding a nih.

LEVI DÂN 17:5

Chu chu Israel thlahaiin hmun uolaua inthâwina an ithathai an hung chawi theina dingin, LALPA kuom ngeiah, intuokna puon in kawtkhâr bulah thiempu kuoma an hung chawi theina dingin le, LALPA kuoma inremna thilinhlâna an inhlân theina dingin a nih a;

LEVI DÂN 3:6

“Inremna thilinhlân inthâwinaa LALPA ta dinga thilinhlân chu berâm ruol laia mi a ni chun, a pui khawm ni sien, a chal khawm ni sien, demkailo ân hlân ding a nih.

LEVI DÂN 9:18

Mipui puola inremna inthâwina thilinhlân bâwngchal le berâmchal chu a that bawk a; Aron naupasalhai chun a thisen chu an pêk a, mâichâm chu a the huol a.

LEVI DÂN 9:4

le bâwngchal le berâmchal LALPA hmaa inremna thilinhlân dinga inhlân dingin hung kei unla; hrieka hmet fâkmi thilinhlân leh, vawisûn hin in kuomah LALPA a hung inlang ding a nih,’ tiin hril rawh,” a ta.

AMOS 5:22

Anih, in pumrawhmang thil- inhlân le in bu thilinhlânhai chu mîn hlân unla khawm, pawm naw ning a, in inremna ran thâu thilin- hlânhai khawm ngaisak bawk naw ning.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

MALAKI 1:8

Inthâwina dinga a mitdel in inhlân khan, suol a ni naw bâk chu teh! A damnaw le a kebai in inhlân khan, suol a ni naw bâk chu teh! In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai LALPA chun a tih.

NAMBAR 15:8

Pumrawhmang thilinhlân ama- nih, thutiem hlen dinga inthâwina amanih, LALPA kuoma inremna thilinhlân ding amaniha bâwngchal in buotsai pha chun,

NAMBAR 6:14

Chun, LALPA ta dinga thilin- hlân dingin berâmchal kum khat mi demkailo pumrawhmang thilinhlâna dingin pakhat, suol inthâwina dingin berâmte, a la, kum khat mi demkailo pakhat,

NAMBAR 7:17

chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga, hieng hi Amminadab naupa Nason thilinhlânhai chu an nih.

NAMBAR 7:59

chun, inremna inthâwi thilin- hlâna dingin bâwngchal pahni, be- râmchal panga, kêlchal panga, berâmte kum khat mi panga a nih. Hieng hi Pedahzur naupa Gamaliel thilinhlânhai chu an nih.

DÂN PAHNINA 12:27

Chun, LALPA in Pathien mâichâmah in pumrawhmang thilin- hlân chu, a sa le a thisen inhlân in ta, chun in inthâwinahai thisen chu LALPA in Pathien mâichâma chun bun suok in ta, a sa chu fâng in tih.

KOLOSSA 1:20

a kraws thisen chun inremna hung siemin, amaa chun iengkim, ama ngeia chun hnuoia thil umhai le vâna thil umhai khawm, ama le inremtir hi.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

RORELTUHAI 20:26

Chuongchun, Israel thlahai po po le mipuihai po po chu an hang feh a, Bethela chun an hang feh a; an ṭap a. LALPA hmaah an ṭhung a; chu ni chun zântieng chenin bu an nghei a; LALPA kuomah pumrawhmang thilinhlân le inremna thilinhlânhai an inhlân a.

RORELTUHAI 21:4

Chun, a zînga chun mipui chu inhmatakin an tho a, chutaka chun mâichâm an siem a, pumrawhmang thilinhlânhai le inremna thilin- hlânhai an inhlân a.