JOSUA 8:1 - Pathien Lekhabu Inthieng (BSI)

¹ LALPA chun Josua kuomah, “Ṭi naw la, zâm bawk naw rawh, râlkâp mi po po i kuomah ṭhuoi la, tho la, Ai khuoah hang fe rawh; ngai ta, Ai khaw lal le, a mihai le, a khuo le a ram chu i kutah ka pêk tah.

JOSUA 8:1 Iomraidhean Croise

INPÂKNA HLABU 27:1

LALPA chu ka var le ka sandamna a nih, tu am ṭîng ka ta? LALPA chu ka hringna kulbîng a nih; tu am ṭîng ka ta?

INPÂKNA HLABU 44:3

Ram chu hluo dinga anni kâwl- hnâma an lâk a ni nawh a, Anni bâna insandam an ni bawk nawh; An chunga i lâwm leiin, I kut changtieng le, i bân le i hmêl varin a ni lem.

INPÂKNA HLABU 46:11

Sipaihai LALPA chu ei kuomah a um a, Jakob Pathien chu ei kulbîng insâng a nih.

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

JEREMIA 46:27

Nisienlakhawm, aw Jakob ka siehlaw, ṭi naw rawh, aw Israel, bei- dawng bawk naw rawh, ngai ta, hlataka inthawkin nang le, i chithla- hai chu sala an intângna rama inthawk chun ka sandam ding cheu a ni sih a; Jakob chu hung kîr nâwk a ta, to ṭawk ṭawk a ta, nuomsain um a tih, tukhawma sukṭi ta naw ni hai.

JEREMIA 49:3

Aw Hesbon ṭap inrûm rawh, Ai chu suksiet a ni ta sih a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni sih a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:25

chuongchun, mihriem laia in- thawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlo- bet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

DÂN PAHNINA 1:21

Ngai ta u, LALPA in Pathien chun ram chu a pêk diem ta cheu a nih; hang fe unla, LALPA in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka tih a.

DÂN PAHNINA 31:8

I hmaṭhuoitu chu LALPA nîng a ta, i kuomah um pei a tih, inhlâw- samtir naw ni che a, mâk khawm mâksan naw tawp a ti che; ṭi naw la, zâm bawk naw rawh,” a tih a.

DÂN PAHNINA 7:18

LALPA in Pathienin Pharao le Aigupta mi po po chunga thil a thawhai kha hre zing ro,

DÂN PAHNINA 7:21

Anni chu in ṭi ding a ni nawh; LALPA in Pathien chu nangni lai a um sih a, Pathien ropuitak, ṭiumtak el chu.

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.

JOSUA 10:7

Chuongchun, Josua le a kuoma râl kâp mi po po le, mi hrât huoisen- hai po po chu, Gilgala inthawk chun an hang feh a.

JOSUA 10:8

Chun, LALPAIN Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a tih a.

JOSUA 2:24

Chun, Josua kuoma chun, “LALPAIN a ram pumpui chu ei kutah a lo pêk takmeu el; chu chau khawm chu a ni nawh a, chu rama chênghai po po chu eini, mi ṭiin an thi dang el a nih,” an ta.

JOSUA 6:2

Chun, LALPAIN Josua kuomah, “En ta, Jeriko le a lal le mi hrât huoisenhai hi i kutah ka pêk tah.

JOSUA 7:9

Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.