JOSUA 7:9 - Pathien Lekhabu Inthieng (BSI)

⁹ Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.

JOSUA 7:9 Iomraidhean Croise

INPÂKNA HLABU 115:1

Aw LALPA, keini mi pe loin, keini mi pe loin, I hming chu ropuina pe lem rawh, I ngilneina le i thutak leiin.

INPÂKNA HLABU 48:10

Aw Pathien, i hming ang ngeiin, Nangma inpâkna chu kâwlkaw- dawng chenin a um a; I kut changtieng chu felnain a sip a nih.

INPÂKNA HLABU 79:9

Aw Pathien a mi sandamtu, i hming ropuina dingin mi ṭhangpui la, I hming leiin mi sanhim la, kan suolhai hi hung sâwp fai rawh.

INPÂKNA HLABU 83:4

“Thaw ro, an hnam bo khawpin sukbohmang ei tiu, Israelhai hming hrim hrim hi hriet zinga a um ta nawna dingin,” an ta,

INPÂKNA HLABU 83:5

Inthuruolin an inrâwn a, I chungah a se tienga thaw dingin thu an intiem tâwl a.

FESUOKNA 32:12

Iengdingin am Aigupta mihai chun, ‘Hnuoi chunga anni sukbo- hmang vawng ding le tlânghaia chun anni sukhlum dingin thiltum ṭha- nawtakin anni a ṭhuoi suok a,’ ti el an ti leh? I lunginsenna ṭiumtaka inthawk chun inher la, i mihai chunga hi thil ṭhanaw hi lakîr rawh.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnam- hai mithmua, hrilsiet ka ni nawna dingin, ka thawh a.

JOEL 2:17

Thiempu, LALPA rawngbâwl- tuhai chu, tuolpûk le mâichâm inkâra chun ṭap sienla, “Aw LALPA i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

MIKA 7:10

Chuongchun, ka hmêlma ka kuoma, “Khâwlai am LALPA i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

NAMBAR 14:13

Mosie ruok chun LALPA kuom- ah, “Aigupta mihaiin hre pal rawi an tih; hieng mipuihai hi ṭawng inkhâma a tiem rama chun i thil- thawtheinaa i ṭhuoi suok an ni sih a;

JOHAN 12:28

Pa, i hming inchawimawi rawh,” a ta. Chuongchun, vâna inthawkin râwl a hung suok a, “Ka chawimawi tah, chawimawi nâwk bawk ka tih,” a ta.

DÂN PAHNINA 9:28

chuong naw chun, i mi ṭhuoi suokna rama mihai chun, LALPAIN a ram tiema chun a ṭhuoi thei naw leiin, thlalêra that dingin a ṭhuoi suok a nih, ti rawi an tih.

JOSUA 7:10

LALPA chun Josua kuomah, “Tho rawh, iengdinga khânga i bawkkhup zing am a na?

JOSUA 7:8

Aw Lalpa, hienga hmêlmahai hnawta Israelhai an tlânse el hi ieng tin am ka thaw ding a ni ta leh?

1 SAMUEL 12:22

A hming ropuitak lei hin LALPA chun a mihai chu a nghatsan âwm si nawh a, a mihai ni dinga siem cheu chu LALPA lâwm zâwngtak a ni sih a.