JOSUA 7:6 - Pathien Lekhabu Inthieng (BSI)

⁶ Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

JOSUA 7:6 Iomraidhean Croise

INṬANNA 37:29

Reuben chu khura chun a hung kîra Josef chu khurah a lo um ta nawh ti a hmu chun a silfênhai a keithlêr a,

INṬANNA 37:34

Chun, Jakob chun a silfênhai a keithlêr a, saiip puon a dierkei a, ni sâwttak a naupa chu a sûn a.

2 SAMUEL 1:11

Chuongchun, David chun ama silfênhai chu a chel a, a keithlêr tah a, chuong ang bawk chun a kuoma mi um po pohai chun an thaw veh a;

2 SAMUEL 1:12

chuongchu, Saula le a naupa Jonathan le LALPA mihai le Israel sûnghai chun an sûn a, an ṭah a, zântieng chenin bu an nghei a, kâwlhnâma sukhlum an ni tâk leiin.

2 SAMUEL 1:2

a ni thum ni chun, ngai ta, mi pakhat an ṭhanghmuna inthawk Saula kuoma mi chu a puonhai tlêr nengnungin le a lua pilvut kai nung hin a hung a; chun, David kuomah a hung tlung chun hnuoia bawkkhupin chibai a bûk a.

2 SAMUEL 12:16

David chun naupang ta ding chun Pathien kuomah a ngên rak a; chun, David chun bu dâm a nghei a, a lût a, zân khawvârin hnuoiah a zâl tah a.

2 SAMUEL 13:19

Chun, Tamar chun a lua chun vut a phul a, zakawfuol ze tum tuma ṭiel a hâk chu a keithlêr a, a lusîpah a kut a sui a, inringtaka ṭap malam peiin a fe tah a.

2 SAMUEL 13:31

Chuongchun, lal chu a tho a, a silfênhai a keithlêr a, hnuoiah a zâl tah a; chun, a siehlawhai po po chu an silfênhai keithlêrin a kâwla chun an ngîr a.

2 LALHAI 22:11

Chun, lal chun dân lekhabu thuhai chu a hang hriet chun a puon- hai a keithlêr tah a.

2 CHANCHIN SUINA 34:19

Chun, lal chun dân thuhai chu a hriet chun a puonhai a keithlêr a.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

NEHEMIA 9:1

Chuongchun, chu thla ni sâwm- hni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

ESTHER 4:1

Mordekaiin chuong thil thawa umhai po po a hriet chun, Morde- kai chun a puonhai a keithlêr a, vut laia saiip puon silin, khawpui kawt- thlêra chun a fe suok a, râwl inring- taka khêkin, lungsetakin a ṭap a;

ESTHER 4:3

Chun, rambung tin elah, lal thupêk le a thu sukthlûk a tlungna taphawta chun, Judahai laia chun lungngaina nasatak el le bungheina dâm le, ṭapna le inrûmna dâm chu a um tah a; tamtak lem chu saiip puon silin pilvut chungah an zâl a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk tah a.

JOB LEKHABU (THE BOOK OF JOB) 2:12

Chuongchun, râl hlataka in- thawka an mithai an hei inlên chun, ama chu an hriet nawh a, an khêk rak rak a, an ṭap tâwl tah a; an puonhai chu an keithlêr tâwl a, pilvut vân- vawrin an luhai an inthêkhum a.

JOB LEKHABU (THE BOOK OF JOB) 42:6

Chuleiin, kei le kei kân theidah a, kân sîr a nih, Vuthai lai le pilvut laia ṭhungin,” tiin.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

NAMBAR 14:6

Chun, Nun naupa Josua le Jephunne naupa Kaleb, ram enthla- tuhai laia ṭhang vehai chun an puonhai an keithlêr a;

NAMBAR 16:22

Chuongchun, anni chu an bawk- khup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an tih a.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

THILTHAWHAI 14:14

Nisienlakhawm, tirko Barnaba le Paula chun, chu chu an hriet phing- leh, an puon an keithlêr a, mipui lai chun an inchâwm lût a, an khêk a.

JOSUA 7:7

Josua chun, “E khai, iengdinga, Aw Lalpa PATHIEN, keini mipuihai hi sukbohmanga um dinga Amor mihai kuta pêk dinga Jordan vadung hi mi ṭhuoi kai am i na? Jordan vadung râla khan lungawitaka um ṭawk ṭawk ta lem ding kha aw.

THUPUONGSUO 18:19

Chun, ṭap le lungngai pumin, ‘A muk leia tuisuorieta lawng neituhai hausakna khaw ropui chu, a chung a rik ie, a chung a rik ie! Dârkâr khat chauah teplo a hung ni ta hi!’ tia khêkin an luah pilvutin an theh a.

RORELTUHAI 11:35

Ama chu a hang hmu phingleh a puonhai a keithlêr a, “E khai, ka naunu, i mi suktlâwm ta hle el a; a mi suklungzînghai laia mi i ni ta hi! LALPA tiengah ka bau ka lo ka ta sih a, chu chu inphat nâwk thei ka ni ta nawh,” a tih a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 20:26

Chuongchun, Israel thlahai po po le mipuihai po po chu an hang feh a, Bethela chun an hang feh a; an ṭap a. LALPA hmaah an ṭhung a; chu ni chun zântieng chenin bu an nghei a; LALPA kuomah pumrawhmang thilinhlân le inremna thilinhlânhai an inhlân a.

RORELTUHAI 21:2

Chun, mipui chu Bethelah an feh a, Pathien hmaa chun zântieng chenin an ṭhung a, an râwlhai insuoin an ṭap rak rak a.

1 SAMUEL 4:12

Sipai laia Benjamin thla, mi pakhat a tlân a, a puonhai tlêr nung le a lua pilvut kai rakin chu ni ngei chun, Silo chu a va tlung a.