JOSUA 7:5 - Pathien Lekhabu Inthieng (BSI)

⁵ Ai mihai chun mi sâwmthum le paruk lai an lo that a, dai kawtkhâr bula inthawk Sebarim chen rauin an hung hnawt a, an liem thlâknaa chun an that tâwl a, chun, mihai lungril chu ân tui zo tah a, tui ang el a lo ni tah a.

JOSUA 7:5 Iomraidhean Croise

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 58:7

Anni chu tui hrâttaka luong angin intui hmang hai sienla, A thalhai a tinin, sât fik angin um pei raw hai se.

ISAI 13:7

Chuleiin, kut po po chu hrât naw nih a, mihriem lungril tinrêng khawm intuihmang a tih;

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk sih a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa PATHIEN chun a tih, tîng i tih,” a ta.

LEVI DÂN 26:36

Chun, nangni laia mi la um- sunhai chu, an hmêlmahai ramah an lungrilah thlabârna inumtir ka ta; hnaṭâwng inlêng riin anni hnawt a ta, kâwlhnâma inthawka tlânsie angin tlânsieng an ta, tu ihnawt dêr loin tlûng an tih.

NAHUM 2:10

Sukruokin a um a, a ruok dêr a, a rêm dêr a nih, lungril chu ân tui- hmang a, khûphai chu ân vuoktuoh a, kâwng po po chu a na ngawi ngawi a, an rênga hmêl chu a dâng zo vawng a nih.

DÂN PAHNINA 1:44

Chun, chu tlânga um Amor mihai chun an lo thaw cheu a, khuoi mi hnawt ang elin an lo hnawt cheu a; Seira inthawka Horma chenin an that cheu a.

JOSUA 2:11

Chu chu kan lo hriet phingleh kan lungrilhai chu ântui zo a, nangni lei hin, mi tukhawm lungril mumal put hrim hrim hi an um nawh a, LALPA in Pathien chu chungtieng vâna le hnuoitieng hnuoiah Pathien a ni sih a.

JOSUA 2:9

chu mihai kuoma chun, “Hi ram hi LALPAIN a pêk ta cheu a, in ṭitumna hin a mi del tâwl tah a, hi rama chênghai po po hi in hmaa hin an intui zo tah a ni ti ka hriet a.

JOSUA 5:1

Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.