JOSUA 7:21 - Pathien Lekhabu Inthieng (BSI)

²¹ râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmuh a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a tih a.

JOSUA 7:21 Iomraidhean Croise

INṬANNA 10:10

Ân lal phutna chu Sinar rama Babel, Erek, Akkad le Kalne khuo a nih.

INṬANNA 3:6

Chuongchun, nuhmei chun thing ra chu fâk mi a nih ti le, mitlatak a nih ti le, mi sukvar dingin thing ra inhnarumtak a nih ti a hriet chun a ra ṭhenkhat chu a lo a, a fâk tah a; chun a pasal kuoma chun a pêk a, ama khawm chun a fâk tah a.

INṬANNA 34:27

Jakob naupasalhai chun an mi thathai chu an va nangchîng a, an farnu an sukkhawhlo pêk leiin khuo chu an rawk tah a.

INṬANNA 6:2

Pathien naupasalhai chun mi- hriem naunuhmeihai chu hmêl ṭhatakin an hmuh a; chuongchun, an dit zâwng taphawthai chu nuhmeiah an nei tâwl hlak a.

2 SAMUEL 11:2

Chun, zântieng nisa innêma chun hieng hi a hung na, David chu a khuma inthawk chun a tho a, lal in inchunga chun a hang lêng a; chun, inchunga inthawk chun nuhmei pakhat insil lai hi a hei hmuh a, chu nuhmei chu hmêl ṭhatak a nih.

2 LALHAI 7:8

Chun, chuong inphârhai chun riekhmun tawntir an va tlung chun puon in pakhata hin an va lût a, an fâkin an dâwn a, chutaka tangkaruo dâm, silfênhai chu an lâk a, an va thuphmang a; chun, an va kîr nâwk a, puon in dangah an lût nâwk a, chu- taka mi khawm chu an lâk a, an va thuphmang nâwk a.

JOB LEKHABU (THE BOOK OF JOB) 31:1

“Ka mit leh thuthlung ka siem a, Iengtin am nunghâk chu en tâng ka ta?

INPÂKNA HLABU 119:37

Thil teplo mei mei en lo dingin ka mit mîn lâktir la, I lampuihaia chun mi sukhar rawh.

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

THUVARHAI 1:19

Hlêpnaa duâm mi taphawthai lampui chu chuong ang chu a nih; A neituhai hringna chu a lâk hmang hlak.

THUVARHAI 23:31

Uoin chu a sen lai chun nang chun en ngai naw la, Noa chun a zie chu a hung insuoh a, A hang insiemdik lai vêl chu en naw rawh.

THUVARHAI 28:22

Mit rilo neitu chun hausakna- hai a bawin a bawh a, Tlâksamna a chungah a hung tlung ding a nih ti a hriet nawh.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 29:15

An remruot chu LALPA kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

HABAKKUK 2:9

Mi suol kuta inthawka sansuok a ni theina dinga, A bû insângtaka a sep theina dinga, A insûng ta dinga hlâwkna indik naw latu chu a chung a rik ie!

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 12:2

Inlang lo dinga thuphmang iengkhawm a um si nawh; hriet lo dinga ip iengkhawm a um bawk nawh.

EPHESI 5:3

Nisienlakhawm, mi inthienghai thawa mawi âwm tak hrimin, inditna le inthiengnawna po po, duamna leh nangni laiah a sâma sâm khawmin um naw raw se;

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak ama- nih chu in inhnar ding a ni nawh a; in ta dingin in lâk ding a ni bawk nawh, chuong naw chun âwk el rawi in tih; LALPA in Pathien ngaiin thil tirdakum an ni sih a.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni sih a.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti cheh a, mâksan ngai naw bawk ka ti che,” a ti sih a.

JAKOB 1:15

Chun, châkna chun tê a vawn a, suol a nei hlak; chun, suol chun a hung puitlingin thina a hung suksuok hlak.

JOSUA 7:20

Akan chun Josua chu a dawn a, a kuomah, “LALPA Israelhai Pathien chunga chun thil ka lo suksuol ta ngei el, hieng ang hin a nih ka lo thaw chu:

JOSUA 7:22

Chuongchun, Josua chun mihai a tir a, puon in sûnga chun an va tlân a; chun, puon ina chun thuphmang a lo ni a, hnuoia chun tangka khawm chu a um ngei ti an hmuh a.

2 PETER 2:15

Bosar naupa Balaam, thil suk- suol hlaw ngainatu lampui chu an hraw leiin lampui indik chu an mâksan a, an invâk hmang tah a.