JOSUA 7:13 - Pathien Lekhabu Inthieng (BSI)

¹³ Tho la, mipuihai hi hlânthieng phawt el rawh; chun, an kuomah, ‘Zînga dingin inhlânthieng ro khai, LALPA Israelhai Pathien chun, “Aw Israelhai, nangni lai hin thil pumpêk a um a nih, nangni laia thil pumpêk hi in lâk hmang hmakhat chun in hmêlmahai hi hne thei naw ti niu,” a ti a nih.

JOSUA 7:13 Iomraidhean Croise

INṬANNA 34:27

Jakob naupasalhai chun an mi thathai chu an va nangchîng a, an farnu an sukkhawhlo pêk leiin khuo chu an rawk tah a.

2 CHANCHIN SUINA 28:10

Tuhin Juda thlahai le Jerusa- lema mihai chu suoknuhai, suokpa- haia siem in lungril a na; amiruokchu, in Pathien LALPA chunga nangni ngei bawsietna chu nangnia ngei khawm hin a um ve a ni naw am a nih?

MATTHAI 7:5

Mi vervêk! I mita inthawkin tlungpûm kha la suok hmasa rawh; chuongchun, i unau mita inthawka hmawl hlek lâk suok ding chu feltakin hmu thei i tih.

DÂN PAHNINA 13:6

“I unaupa, i nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin inrûka, “Pathien dang rawng bâwl ei tiu khai’ tih a nang amanih, i pa amanih khawma in hriet naw,

JOSUA 3:5

Chun, Josua chun mipuihai kuomah, “Insukthieng ro, zinga hin LALPAIN nangni lai thil maktakhai a thaw ding a nih,” a ta.

JOSUA 6:18

Nangni ruokchu suksiet dinga thil pumpêka inthawk chun insie- kieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

JOSUA 7:11

Israelhai hin thil an suksuol a nih; ka thuthlung pawm dinga ka pêk kha an bawsiet a ni hi; thil pumpêk laia ṭhenkhat an lâk bawk a nih; an inrûk a, an ip bawk a, an thuomhnaw lai ngei an thuphmang a nih.