JOSUA 7:1 - Pathien Lekhabu Inthieng (BSI)

¹ Amiruokchu, Israel thlahai chun thil pumpêk chun thil an lo suksuol tah a. Juda hnama mi Zera naupa Zabdi, chu naupa Karmi, chu naupa Akan chun thil pumpêka mi chu a lo lâk a; chuongchun, Israel thlahai chunga chun LALPA lung a lo sen tah a.

JOSUA 7:1 Iomraidhean Croise

INṬANNA 34:27

Jakob naupasalhai chun an mi thathai chu an va nangchîng a, an farnu an sukkhawhlo pêk leiin khuo chu an rawk tah a.

2 SAMUEL 24:1

Chun, LALPA lunginsenna chu Israelhai chungah a ṭuong nawk ta thut a, “Fe la, Israel mihai le Juda mihai tiem vawng rawh,” tiin David chun an pawi tâwk dingin a chawktho a.

2 LALHAI 5:24

Chun, tlâng a va tlung chun a lâkpêk a, in sûnga hin a sieh a; chun, chuonghai chu ân fetir a, an fe tah a.

1 CHANCHIN SUINA 21:7

Chun, hi thila hin Pathien chu a lâwm ta naw hle el a; chuleiin, Israel ram chu a hung hrem tah a.

2 CHANCHIN SUINA 24:18

An thlatuhai Pathien LALPA in chu an nghatsan a; milimhai le Asera rawng chu an bâwl tah a; chuong- chun, hi an rîtlona lei hin Jerusalem le Juda ram chunga chun lungsenna a hung tlung tah a.

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

JOB LEKHABU (THE BOOK OF JOB) 35:8

I rîtlona chun nangma ang bawkin mi a sukna thei a, Chun, i felna chun mihriem naupa chu a sukhlâwk thei a nih.

THUHRILTU 9:18

Varna chu indona thuomhnaw- hai nêkin a ṭha lem a; amiruokchu, mi suol pakhat khawma nasatakin a suksiet a nih.

DANIEL 9:7

Aw LALPA, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

LEVI DÂN 10:6

Mosie chun Aron kuoma le a naupasalhai Eleazar le Ithamar kuoma chun, “A sûnnain in sam inthla naw unla, in puonhai keithlêr bawk naw ro, chuong naw chun thi rawi in ta, mi po po chungah lung- insen rawi a tih; in unauhai Israel sûngkuo pumpuiin LALPA isêm chawk mei chu sûn lem raw se.

JONA 1:7

Chun, “Hung ta u, hi thil ṭha naw ei chunga hung tlung hi tu lei am a na ti ei hriet theina dingin, ai sân ei tiu,” tiin an inbiek tâwl a. Chuongchun, ai chu an sân a, aisân chu Jona chunga chun a tlu tah a.

JOSUA 22:16

an kuomah, “LALPA mipuihai po poin, ‘Israelhai Pathien chungah iengtidâna bawseh a, LALPA zuinaa chun pêthmang am in na?

JOSUA 22:18

vawisûn hin LALPA chu nghat- san in tum el ding maw? Hienga vawisûn hin LALPA chunga in hel el chun zinga chun Israel mipui po po chungah a lunginsen ngei ding a nih.

JOSUA 22:20

Zera naupa Akan khan thil pumpêka khan thil a suksuol a, Israel mipui po po chunga khan lungin- senna a tla a ni naw am a ni kha? Ama kha ama bawsietnaa khan ama chau ringawt a bohmang el bik naw kha,’ an ti a nih ie,” an tih a.