JOSUA 5:1 - Pathien Lekhabu Inthieng (BSI)

¹ Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.

JOSUA 5:1 Iomraidhean Croise

INṬANNA 12:6

Abram chu chu rama Sekem hmun chen, More thingsaisuo hmun chen chun a fe pei a. Chuong lai chun Kanaan mihai chu chu rama chun an um a.

INṬANNA 48:22

Chu naw khawm chu i unauhai chanvo nêk chun chan khatin ka pêk chuong che, ka kâwlhnâm le ka thalngula Amor mihai kuta inthawka ka lâkpêk kha,” a tih a.

2 SAMUEL 21:2

Chun, lal chun Gibeon mihai chu a ko a, an kuomah, (Gibeon mihai chu Israel thlahai an ni nawh a, Amor mi la um sunhai kha an ni lem a; Israel thlahai chun an chunga chun ṭawng an lo inkhâm tah a; Saula chun Juda thlahai le Israel thlahai ta dinga ṭhahnem a ngai leiin that a tum el hlak a nih).

1 LALHAI 10:5

a dawkâna fâk ding dâm, a upahai ṭhung dân dâm, a rawngbâwl- tuhai chângvêl dân dâm, an inchei dân dâm, a no inhlântuhai dâm, LALPA ina ân hlân pumrawhmang thilinhlâna ân hlânhai a hei hmu chun lungril alêm a nei ta nawh a.

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiem- puhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng loin, an tirdakumnahai chu an thaw ve zing el a nih.

INPÂKNA HLABU 135:11

Amor mihai lal Sihon le, Basan ram lal Og le, Kanaana mi po po chu.

FESUOKNA 23:28

I hmaah khuoi tûrnei tir ka ta, chuongchun, Hiv mihai, Kanaan mi- hai, Hit mihai chu i hmaha inthawkin hnawt suok an tih.

ISAI 41:5

Thlierkârhai chun an hmuh a, an ṭih a; kâwlkawdawnghai chu an in- thin a, an hung hnâi a, an hung a.

EZEKIEL 16:3

Lalpa PATHIEN chun Jerusalem kuomah hieng ang hin a tih, ti rawh; ‘I piengna le i hnam ram chu Kanaan mihai ram a na; Amor mi chu i pa a na; Hit mi chu i nu a nih.

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk sih a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa PATHIEN chun a tih, tîng i tih,” a ta.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi tah a; a kâwngru insuktuoknahai chu a hung inthâwt a, a khûp le khûp chu an invuoktuo tah a.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang tah a; a chungtienga a ra le, a hnuoitienga a zung khawm ka sukbo a.

NAMBAR 13:29

Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu tuisuoriet pang le Jordan vadung pangah an um,” tiin an hril a.

JOSUA 17:12

Nisienlakhawm, Manasse thla- hai chun chuong khawpuia umhai chu an hnawt suok thei nawh a, Kanaan mihai chu chuong rama chun an um tlat el a.

JOSUA 17:18

tlâng ram khi in ta ni el raw se, rampui khawm ni sienla, vât in ta, a ram chin po po chu in ta a ni el ding annâwm; Kanaan mihai chun thîr tawlailîrhai neiin, hrât hle hai sien khawm, in la hnawt suok ding annâwm,” tiin a hril a.

JOSUA 24:15

Chun, LALPA rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu LALPA rawng a nih kan bâwl ding chu,” a ta.

JOSUA 3:16

saktienga inthawka tui hung luong thla lai chu a ngîr tah a, hla reiah, Zarethan ram bula Adam khuoa chun a lo inhlawm ngîr ûr el tah a; chun, Araba tuisuoriet, Tui- suoriet Al chu, chu tienga luong lûthai khawm chu suktan vawng an ni tah a; chuongchun, mipuihai chu Jeriko khuo zawn taka chun an kai tah a.

JOSUA 3:17

Chun, LALPA thuthlung bâwm zâwntu thiempuhai chu Jordan vadung laia chun, hnuoi hulah an ngîr zing tah a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

THUPUONGSUO 18:10

sawisakna ṭi leia hlataka ngîr- in,Babulon khaw ropui, khaw det chu a chung a rik, a chung a rik! Dârkâr khat chauah i chungah rorêl- na chu a hung tlung ta si,” an tih a.

RORELTUHAI 1:1

Josua thi hnung chun Israel thlahaiin, “Keini ta dinga Kanaan mihai chu thawha do dingin tu am hang fe hmasa phawt a ta le?” tiin LALPA chu an râwn a.

RORELTUHAI 11:23

Tuhin chuong anga LALPA Israelhai Pathienin a mi Israelhai hmaah Amor mihai chu a lâkpêk ta hnung chu, nangin i neipêk thei thu ding am a nih?

RORELTUHAI 3:3

Chuong hnamhai chu: Philistin- hai lal panga, Kanaan mi po po, Zidon mihai, Baal-hermon tlânga inthawka Hamath khuo lûtna chena Lebanon tlânga Hiv mihai an nih.

RORELTUHAI 4:2

Chuongchun, Hazor khaw ṭhuttu Kanaan ram lal Jabin kuoma chun LALPAIN anni chu a zawr tah a, chu mipa sipai hotu tak chu Sisera a nih a, Jentailhai ram Haroseth-a um a nih.

1 SAMUEL 25:37

Chun, zîngtienga Nabal uoin inrui chu a hung har chun a nuhmei chun chuong thu chu a hang hril a, a lungril chu a mit ta sul a, lung ang elin a hung um tah a.