JOSUA 3:16 - Pathien Lekhabu Inthieng (BSI)

¹⁶ saktienga inthawka tui hung luong thla lai chu a ngîr tah a, hla reiah, Zarethan ram bula Adam khuoa chun a lo inhlawm ngîr ûr el tah a; chun, Araba tuisuoriet, Tui- suoriet Al chu, chu tienga luong lûthai khawm chu suktan vawng an ni tah a; chuongchun, mipuihai chu Jeriko khuo zawn taka chun an kai tah a.

JOSUA 3:16 Iomraidhean Croise

INṬANNA 14:3

Chuonghai po po chu Siddim ruoma chun an ṭhang ruol a (chu chu Tuipui Al a ni tah).

1 LALHAI 4:12

Taanak khuo le Megiddo khuoa dâm, Jezreel khaw hnuoi Zarethan khaw bula um Beth-sean biel po poa dâm, Beth-seana inthawka Abel- meholah-a dâm, Jokmeam ram dep chenin Ahilud naupa Baana a na;

1 LALHAI 7:46

Jordan phaizâwlah, Sukkoth le Zarethan inkâra bepil hmunah a nih lalpa chun a sung chu.

INPÂKNA HLABU 114:3

Tuisuoriet chun chu chu a hmuh a, a tlân hmang a, Jordan vadung chu sukkîrin a um tah a.

INPÂKNA HLABU 114:5

Aw nang tuisuoriet, ieng am i tih a, i tlân hmang a na? Nang Jordan, ieng am i tih a, i kîr nâwk a na?

INPÂKNA HLABU 29:10

LALPA chu Tuilêt lai khan lalah a ṭhung a, Anih, LALPA chu kumkhuoa dingin lalah a ṭhung a nih.

INPÂKNA HLABU 33:7

Ama chun tuisuoriet tuihai chu iengkhat siekhâwm thûr angin a sukkhâwm a, Tui inthûktakhai chu siekhâwm- na inahai a sieṭha hlak.

INPÂKNA HLABU 66:6

Ama chun tuisuoriet kha hnuoi ṭâwlah ân changtir a, Vadungpui kha kein an fe kâi a; Chutaka chun amaah ei hlim a.

INPÂKNA HLABU 74:15

Nang chun tuihnâr le tuilien chu în ṭhe huk a, Nang chun vadung lientak takhai chu i sukkang a.

INPÂKNA HLABU 77:19

I lampui chu tuisuorietah a um a, I lampuihai chu tui lientakah a um a; I kehnunghai khawm hriet a ni nawh.

INPÂKNA HLABU 78:13

Tuisuoriet chu a sukṭhe phawk a, anni chu ân fe kâitir a, Tuihai chu iengkhat sie khâwm thûr angin ân ngîrtir nguou a.

FESUOKNA 14:21

Chun, Mosiein tuipui chunga chun a kut a phar a, chun LALPAIN sak thli hrâttak zânkhawvâra hrâng- in tuipui chu ân luong kîrtir a, tuipui chu ram ṭâwlah a siem a, tuihai chu an inṭhe tah a.

FESUOKNA 14:22

Israel thlahai chu tuipui inkâra chun hnuoi hulah an fe tah a; tuihai chu an changtieng le vawitieng bang angin a um a.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

FESUOKNA 15:8

I hnarkuohai mûtthlît chun tuihai chu ân thuo ûr a, Tui lienhai chu vûm thûrin a ngîr tah a; Tuipui sûngrila limawnghai chu sukkhalin an um tah a.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

EZEKIEL 47:8

Chun, ama chun ka kuomah, “Hieng tuihai hi saktieng rama in- thawka hung suok an na, Arabaa chun fe thlâng an ta; chun, tuisuoriet tieng fe pei an ta, tuipui tui al chu tui inthiengah inchangtir an tih.

NAHUM 1:4

Tuisuoriet chu a kâwk a, a suk- kangintana, vadunghai po po khawm a sukkangintan zo a, Basan ram le Karmel tlâng an châu a, Lebanon tlâng pâr chu a châu a nih.

HABAKKUK 3:8

LALPA chu vadunghai chungachun a lungawi naw am anih? Vadunghai chunga chun i lunginsenna chu a umin, Tuisuoriet chunga chun i lunginsenna chu a um am a nih? I sakawrhai chunga chun i chuongin, I sandamna sakawr tawlailîr- haia chun i chuong hi?

NAMBAR 34:3

saktieng ramri chu Tuisuoriet Al tâwpa inthawkin saktieng pang nîng a ta;

DÂN PAHNINA 1:1

Hieng thu hi Jordan saktieng thlalêr, Paran le Tophel, Laban, Hazeroth le Dizahab inkara Suph va dep Arabaa Mosien Israelmihai po po kuoma a hril chu a nih.

DÂN PAHNINA 3:17

chun, Araba le Jordan khawm ramri dingin Kinneretha inthawkin Pisga saktieng pangpêr hnuoia Tuisuoriet Al, Araba Tuisuoriet chenin.

JOSUA 12:3

Saktieng chun Arabaa Kinneroth dîl chenin, chun, saktieng ma, Beth- jesimoth fena lampui tienga Araba tuisuoriet Tuipui Al chenin a nih, chun, simtienga chu Pisga pangpêr ṭên chenin a nih;

JOSUA 15:2

Simtieng panga an ramri chu Tuipui Al tâwp chen, sim sawng likil- kawia inthawkin a nih;

JOSUA 16:7

chun, Janoaa inthawk chun Atarotha dâm, Naara dâm, a fe thla pei a, Jeriko a tlung a, Jordanah a suok a,

JOSUA 3:13

chun, LALPA hnuoi pumpui Lalpa bâwm zâwntu thiempuhai ke chun Jordan tui a sir charin Jordan tui, saktienga inthawka tui hung luonghai chu suktan nîng a ta; chuongchun, hlawm khatin ngîr an tih,” a ta.

JOSUA 4:22

‘Israelhai chun Jordan vadung hi hnuoi hulah an kai a nih,’ tiin in thlahai chu in lân hriettir ding a nih.

JOSUA 5:1

Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.