JOSUA 24:7 - Pathien Lekhabu Inthieng (BSI)

⁷ Chun, anni chun LALPA an hang ko a, Aigupta mihai le an inkâr chu a hung sukthim ta mup a; chun, tuipui a hung intuomtir a; a chîm hmang tâwl tah a, chuongchun, Aigupta rama ka thilthaw kha in mit ngeiin in hmuh a; chun, thlalêra khan sâwttak in um a.

JOSUA 24:7 Iomraidhean Croise

FESUOKNA 14:10

Pharao chu a hung hnai chun Israel thlahai chun an hang en a, an hnunga Aigupta mihai hung ṭhuop ṭhuop chu an hang hmuh a, nasa- takin an ṭih a, Israel thlahai chun LALPA chu an ko tah a.

FESUOKNA 14:20

Israel mihai le Aigupta mihai riebûk inkâra chun a hung a. Chuongchun, sûm le inthim chu a um a, zân chu sûm chun a sukvar hlau thung a, zânkhuoin tu tu khawm an inhnai tuo nawh a.

FESUOKNA 14:31

Israelhai chun Aigupta mihai chunga LALPAIN thil ropuitak a thaw chu an hmuh a, mipui chun LALPA chu an ṭi tah a; LALPA le a siehlaw Mosie chu an ring tah a.

DÂN PAHNINA 1:46

Chuleichun, Kades-a chun sâwttak in um a ni kha.

DÂN PAHNINA 2:14

Kades-barneaa inthawka ei suok le Zered vadung ei kân a, LALPAIN an kuoma ân khâm anga mipuihai laia chu suona râlkâp mi po po an bohmang vawng inkâr chu kum sâwmthum pariet a nih.

DÂN PAHNINA 29:2

Chuongchun, Mosie chun Israel mi po po chu a ko a, an kuomah a hril a, “Aigupta rama Pharao chunga dâm, a mihai po po chunga dâm, a ram po po chunga dâm, in mithmu ngeia LALPAIN thil a thawhai po po kha in hmu a,

DÂN PAHNINA 4:34

hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia LALPA in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

HEBRAIHAI 3:17

Chun, tuhai chung âm a na kum sâwmli sûng a lungni naw kha? Suksuoltu, an ruong thlalêra tlu tahai chunga khan a ni naw am a nih?

JOSUA 5:6

LALPA râwl an ngai nuom naw leiin mipui po po Aiguptaa inthawka hung suok, râl kap mihai chena, sukbohmanga an um vawng chenin Israel thlahai chu kum sâwmli zet thlalêra chun an invâk a, LALPAIN an thlatuhai kuoma nênetui le khuoi- zua luong ram inkhâma eini mi pêk a lo tiem kha, chu ram chu hmu lo dingin LALPAIN an kuomah ṭawng ân khâm a nih.