JOSUA 23:1 - Pathien Lekhabu Inthieng (BSI)

¹ Kum ieng zât lai amanih ân vawi a, Israelhai chu an kâwl- vêla hmêlma po pohaia inthawk muongna LALPÂN a pêk hnung chun, Josua khawm chu a hung upa tah a, a hung tar ta hle el a.

JOSUA 23:1 Iomraidhean Croise

INṬANNA 25:8

Abraham chun a thlarau ân thla tah a, a lua kêlsam ṭo hiela tartakin, tarkûna damin a thi tah a, a chipuihai kuoma ṭhuoiin a um ve tah a.

1 LALHAI 1:1

Tûn lal David chu a kumhai a hung tam a, a hung tar ta hleh a, chuongchun, puonhaiin ama chu an inkhum hlak a, nisienlakhawm, a lum thei chuong nawh a.

1 CHANCHIN SUINA 23:25

David chun, “LALPA Israelhai Pathien chun a mihai chu muongna a pêk a;

1 CHANCHIN SUINA 27:1

Chun, Israel thlahai an nizât chu kum khat sûng thla po poa, thla tina fe suok a, hung lût pâwlhai, thil iengkima lal rawngbâwl hlakhai, hotuhai le, za khat le sâng khat chunga hotuhai le an pahnam luhai po po le chun, pâwl tina chun sîng hni le sâng li an na.

2 CHANCHIN SUINA 14:1

Chuongchun, Abija chu a thlatuhai kuoma chun a in tah a, ama chu David khawpuia chun an phûm a, a naupa Asa chun ama aia chun ro a rêl tah a; ama inlal sûng chun kum sâwm sûng chu ram chu râlmuongin a um a.

2 CHANCHIN SUINA 14:5

Juda ram sûng khawpui po pohaia inthawk chun bâwlhmunhai le nisa limhai chu a lâk hmang vawng a; ram chu ama hmaa chun a re ṭawk ṭawk a.

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râl- muongna a pêk sih a.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

ISAI 63:14

Ruoma ran zu fehai angin LALPA thlarau chun anni chu ân châwltir a, chuong ang chun, hming ropuitak în siemna dingin, i mihai chu i ṭhuoi kha,” tiin.

DÂN PAHNINA 31:2

An kuomah a hril a, “Tuhin chu kum za le sâwmhni ka lo ni tah a; ka suok invâk thei ta nawh a; chun, LALPAIN, ‘Hi Jordan vadung hi kai naw ti ni’ a mi tih a.

JOSUA 11:23

Chuongchun, LALPAIN Mosie kuoma a hril po po ang khan Josua chun ram pumpui chu a lâk tah a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um tah a.

JOSUA 13:1

Josua chu a hung upa a, a hung tar ta hle el a; chun, LALPA chun a kuomah, “I hung upain i hung tar ta hle el a, ram hlak chu lâk ding a la tam vieu sih a.

JOSUA 21:44

Chun, LALPAIN an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um nawh a;

JOSUA 22:4

Chuongchun, LALPA in Pathien- in an kuoma a lo hril ta ang khan in unauhai hi tuhin muongna a pêk ta hi: chuleiin, LALPA siehlaw Mosien Jordan râla in chanpuol dinga ram a lo pêk ta cheua khan, in puon in tienga chun fe nâwk ta ro.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok tah a; chun, ngai ta u, ka naupasalhai chu nangni lai an um a, ka tleirâwla inthawkin tu chen hin ka keihruoi cheu a.