JOSUA 22:6 - Pathien Lekhabu Inthieng (BSI)

⁶ Chuongchun, Josua chun anni chu mal a sâwm a, ân fetir tah a; chuongchun, an puon inhai tieng chun an fe tah a.

JOSUA 22:6 Iomraidhean Croise

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak mal- sâwmin um sien;

INṬANNA 47:10

Chun, Jakobin Pharao chu mal a sâwm nâwk a, Pharao kuoma inthawk chu a suok tah a.

INṬANNA 47:7

Chun, Josef chun a pa Jakob chu a ṭhuoi lût a, Pharao hmaa chun ân ngîrtir a: chuongchun, Jakob chun Pharao chu mal a sâwm tah a.

2 SAMUEL 6:18

Chun, Davidin pumrawhmang thilinhlân le inremna thil inhlânhai ân hlân zo chun, sipaihai LALPA hmingin mipuihai chu mal a sâwm a.

2 SAMUEL 6:19

Chun, mipui po po, Israel mi pumpuihai chu a nuhmei a pasalin mi tin el chu bei hlawm khat le sa tlin khat le grêp ra emṭâwl bâwr khat a sem seng a. Chuongchun, mi po po chu mâni in tieng an fe ta seng a.

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, LALPAIN a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl tah a.

2 CHANCHIN SUINA 30:18

Mipui tamtak elhai, Ephraim le Manasse le Issakar le Zebulun mi tamtak elhai chu insukthieng lo an na, ziek a ni ang tho khan fekân ruoiṭhe chu an fâk a. Hezekia chun a lo ṭawngṭai pêk tah a, “LALPA ṭha chun ngaidam raw se, tukhawm

FESUOKNA 39:43

Mosie chun an sinthawhai po po chu a en a, LALPAIN thu a pêk ang tak chun an thaw zo tah ti a hmuh a; chuong ang tak chun an thaw zo tah a; chun, Mosiein anni chu mal a sâwm tah a.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 24:50

Chun, Bethani khaw kâwl chenin anni a ṭhuoi a; chun, a bân a phar a, mal a sâwmpêk a.

JOSUA 14:13

Chuongchun, Josua chun ama chu mal a sâwm a; Jephunne naupa Kaleb chu a rochan dingin Hebron chu a pêk tah a.

JOSUA 24:28

Chuongchun, Josua chun mi- puihai chu anni chanpuol ram senga khan ân fetir tah a.

1 SAMUEL 10:25

Chuongchun, Samuel chun mi- puihai chu ram umdân ding chu a hril a, lekhabuah a ziek a, LALPA hmaa chun a sieh a. Chun, Samuel chun mipuihai chu mâni in tieng seng ân ṭintir tah a.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 2:20

Chun, Eli chun Elkana le a nu- hmei chu mal a sâwmpêk a, “LALPA ta dinga in thilinhlân in inhlân hi, hi nuhmei thla hin LALPA chun thung raw se cheu,” a ta. Chuongchun, in tieng an fe tah a.