JOSUA 22:5 - Pathien Lekhabu Inthieng (BSI)

⁵ LALPA siehlaw Mosien LALPA in Pathien chu hmangai a, a lampuihai po po chu hrawh a, a thupêkhai chu pawm a, ama chu chel tlat a, in lungril po po le thlarau po poa a rawngbâwl tlat dinga thu a pêk cheu kha; chu thupêk le dân dâm chu fîmkhurtakin vawng ṭhat tum phawt el unla,” a ta.

JOSUA 22:5 Iomraidhean Croise

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 78:7

An beiseina chu Pathienah an innghat theia, Pathien thilthawhai chu an theinghil nawha, A thupêkhai chu an zâwm lemna dingin;

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni sih a.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

FESUOKNA 23:25

LALPA i Pathien rawng chu bâwl i ta, i tui le beia khawm mal sâwmpêk ka ti che; chun, nangmaa inthawkin natnahai chu la hmang bawk ka tih.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

JEREMIA 12:16

Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.

MATTHAI 22:37

Chun, ama chun a kuomah, “ ‘Lalpa I Pathien chu I lungvar po poin, i thlarau po poin, i lungril po poin i hmangai ding a nih,’ ti hi.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 1:74

Chuongchun, ei hmêlmahai kuta inthawka mi sanhimin, ṭi loa a rawng ei bâwl theina ding le,

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 14:15

“Nangnîn in mi hmangai chun, ka thupêkhai chu zâwm in tih.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hleh a; ṭhahnemngai- taka Lalpa chel zing dingin an rêngin ân fui tah a.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

A Naupa Chanchin Ṭha hrila ka thlaraua a rawng ka ibâwl Pathien chu a mi hrepuitu a nih; ka ṭawngṭainahaia chun maloin in hminghai ka lam rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

DÂN PAHNINA 10:20

LALPA in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 11:1

“Chuleiin, LALPA in Pathien chu in hmangaiin a thuruot- hai, a dânhai, a rorêlhai, a thupêk- hai chu in zâwm rawp ding a nih.

DÂN PAHNINA 11:13

“Chun, LALPA in Pathien chu hmangai ding le in lungril po po le in lungvar po poa a rawngbâwl dinga ka thupêk tuta ka pêk cheu hi ṭha- hnemngaitaka in zâwm chun,

DÂN PAHNINA 11:22

“LALPA in Pathien chu hmangai ding le, a lampui po po hraw ding le ama chel tlat dinga ṭha- hnemngaitaka hieng thu ka pêk cheu thupêk po po hi in zâwm phawt chun,

DÂN PAHNINA 13:4

LALPA in Pathien chu zui in ta, ama chu ṭîng in ta, a rawng dâm bâwl in ta, ama chu in chel tlat ding a nih.

DÂN PAHNINA 4:29

Nisienlakhawm, chutaka khawm chun LALPA in Pathien chu in zawng a, in lungril po po le in lungvar po poa in zawng chun hmu nâwk in tih.

DÂN PAHNINA 4:4

LALPA in Pathien cheltu ta- phawthai ruok chu tu chen hin damin in la um seng a.

DÂN PAHNINA 4:6

Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.

DÂN PAHNINA 4:9

Iengkhawm ni sienla, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir ro.

DÂN PAHNINA 5:10

mi hmangaia ka thupêkhai pawmtu sâng tamtakhai chunga ruok chu lunginsietna inlangtir hlak ka ni hi.

DÂN PAHNINA 6:17

LALPA in Pathienin a pêk cheu, thupêk dâm, a thuinhriettir dâm, a thuruot dâm, fîmkhurtakin in zâwm ding a nih.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

JOSUA 23:8

vawisûn chena in la thaw zing ang hin, LALPA in Pathien chu chel tlat lem hlak ro.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

1 SAMUEL 12:20

Chun, Samuel chun, mipuihai kuoma chun, “Ṭi naw ro, hi thil ṭha nawtak hi thaw chu in thaw ngei a, amiruokchu, LALPA in zui chun ama chu pêtsan chuong naw unla, in lungril po poin LALPA rawng chu bâwl lem ro;

1 SAMUEL 12:24

LALPA chu ṭi phawt el unla, in lungril po poin titakzetin a rawng bâwl unla, in ta dinga thil a thaw ropuizie hi ngaituo ro khai.

1 SAMUEL 7:3

Chun, Samuel chun Israel sûng- hai po po kuoma chun, “In lungril takzeta LALPA tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu LALPA ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.