JOSUA 2:11 - Pathien Lekhabu Inthieng (BSI)

¹¹ Chu chu kan lo hriet phingleh kan lungrilhai chu ântui zo a, nangni lei hin, mi tukhawm lungril mumal put hrim hrim hi an um nawh a, LALPA in Pathien chu chungtieng vâna le hnuoitieng hnuoiah Pathien a ni sih a.

JOSUA 2:11 Iomraidhean Croise

1 LALHAI 8:60

LALPA hi Pathien a na, tu- khawm dang an um nawh ti khawvêla hnam tinin an hung hriet theina dingin.

2 LALHAI 5:15

Chun, Pathien mi kuoma chun ama le a ruolhai po po leh an hung kîr nâwk a, a hmaa chun a ngîr a; ama chun, “Tuhin ngai ta, hnuoi chung po poah, Israel rama chau naw hin chu Pathien a um nawh ti ka hriet tah; chuleiin, tuhin ka ngên che a nih, i siehlaw thilpêk hi la rawh,” a ta.

NEHEMIA 6:16

Chun, kan hmêlmahai po poin chu chu an lo hriet chun, kan vêla hnam danghai chun an ṭi tah a, chan se ta hlein an inhriet a, sin chu kan Pathien thaw a nih ti an hriet ta sih a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve tah a; an chunga chun Juda mihai ṭitna chu a tlung ta sih a.

INPÂKNA HLABU 102:15

Chuongchun, hnam tinin LALPA hming chu ṭîng an ta, Hnuoia lal po pohai chun i ropuina chu ṭî bawk an tih.

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 58:7

Anni chu tui hrâttaka luong angin intui hmang hai sienla, A thalhai a tinin, sât fik angin um pei raw hai se.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achung- hnungtak i nih ti an hriet theina dingin.

FESUOKNA 15:14

Mipuihai chun an hriet a, an inthin a; Philistin mihai chu lungngainain an sip a.

FESUOKNA 15:15

Tuhin Edom lalhai chu an lunginzîng a, Moab mi hrâthai chu inthinnain a man a, Kanaan hluotuhai po po chu an intui zo tah a.

ISAI 13:7

Chuleiin, kut po po chu hrât naw nih a, mihriem lungril tinrêng khawm intuihmang a tih;

ISAI 19:1

Aigupta ram phurrik chu, Ngai ta, LALPA chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

EZEKIEL 21:15

An dâi kawtkhârhai po po zâwna chun kâwlhnâm inzum chu kân nghat a, an lungrilhai chu a hung intui theina ding le, mi tamtak an tlûk theina dingin. E, kâwlinlep anga siem a ni chu aw! dettaka chel a ni tah a.

NAHUM 2:10

Sukruokin a um a, a ruok dêr a, a rêm dêr a nih, lungril chu ân tui- hmang a, khûphai chu ân vuoktuoh a, kâwng po po chu a na ngawi ngawi a, an rênga hmêl chu a dâng zo vawng a nih.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in tih a.

DÂN PAHNINA 20:8

Hotuhai chun mipuihai kuoma chun, ‘Ṭi le zâm in um am? A in tieng kîr el raw se, a unauhai lungril chu ama lungril ang chun intuihmang ve râwi a tih,’ la ti pei raw se.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin LALPA chu Pathien a nih ti hre ro; a dang hrim an um nawh.

JOSUA 14:8

Amiruokchu, ka unau kei le fe vehai khan mipuihai lungril an suk- tuipêk a, kei ruok chun chu LALPA ka Pathien chu titakzetin ka zui tlat a.

JOSUA 2:24

Chun, Josua kuoma chun, “LALPAIN a ram pumpui chu ei kutah a lo pêk takmeu el; chu chau khawm chu a ni nawh a, chu rama chênghai po po chu eini, mi ṭiin an thi dang el a nih,” an ta.

JOSUA 5:1

Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.

JOSUA 7:5

Ai mihai chun mi sâwmthum le paruk lai an lo that a, dai kawtkhâr bula inthawk Sebarim chen rauin an hung hnawt a, an liem thlâknaa chun an that tâwl a, chun, mihai lungril chu ân tui zo tah a, tui ang el a lo ni tah a.

JOSUA 9:24

Anni chun Josua chu an dawn a, “LALPA i Pathien a siehlaw Mosie khan ram pumpui hi pe cheua in hmaa a ram hluotu um po pohai hi sukbohmang pei ding a nih ti thu a lo pêk kha i siehlawhai hi an lo hril chieng êm a; chuleiin, nangni leiin kan hringna hi chân kan inlau êm a, hieng ang hin kan lo thaw el a nih.

THUPUONGSUO 6:16

Tlânghai le lungpuihai kuoma chun, “Mi del unla, lalṭhungphaa ṭhung hmêla inthawk le, Berâmte lunginsennaa inthawk hin mi hlie ro;