JOSUA 18:7 - Pathien Lekhabu Inthieng (BSI)

⁷ Levi mihai hin chu chu nangni lai chanvo an nei ve nawh a, LALPA thiempu sin hi an chanpuol a ni sih a; chun, Gad mihai, Reuben mihai le Manasse hnam zâtvehai khan chu Jordan râl saktienga khan an chan- puol chu LALPA siehlaw Mosien a lo pêk kha an lo chang tah a,” a ta.

JOSUA 18:7 Iomraidhean Croise

NAMBAR 18:20

LALPA chun Aron kuomah, “An rama chun rochan nei naw ti niu a, anni lai chun chanvo nei naw bawk in tih: Israel thlahai laia i chanvo le i rochan chu keima hi ka nih.

NAMBAR 18:23

Levi mihai ruok hin chu intuokna puon in rawngbâwl sin chu thâwng an ta, anni dân nîng a tih; chun, Israel thlahai laiah rochan nei naw ni hai.

NAMBAR 18:7

Nang le i naupasalhai hin mâi- châm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

DÂN PAHNINA 10:9

Chuleiin, Levi chun a unauhai lai chun chanvo khawm, rochan khawm a nei nawh a; LALPA in Pathienin a kuoma a hril angin LALPA chu a rochan a nih).

JOSUA 12:6

LALPA siehlaw Mosie le Israel thlahai chun chuonghai chu an that a; LALPA siehlaw Mosie chun Reuben chihai, Gad chihai, Manasse hnam zâtve chu an rochan dingin a sem- pêk a.

JOSUA 13:33

Levi chihai ruok chu Mosie chun rochan ding a pêk ve nawh; an kuoma a lo hril ta ang khan, LALPA Israel- hai Pathien chu an rochan a ni lem.