JOSUA 18:3 - Pathien Lekhabu Inthieng (BSI)

³ Chuongchun, Josua chun Israel thlahai kuoma chun, “LALPA in thlatuhai Pathienin a lo pêk ta cheu ram hi ieng chen am hluo loa la muong ding in nih a?

JOSUA 18:3 Iomraidhean Croise

THUVARHAI 10:4

Kut zawia sinthaw chu a hung pase a, Kut taima ruok chun ama chu a sukhausa.

THUVARHAI 13:4

Mi thabo lungril chun a châk hlaka chu, iengkhawm a nei nawh, Mi taima lungril ruok chu sukthâu nîng a tih.

THUVARHAI 15:19

Mi thabo lampui chu hling daihai ang a na, Mi tluong lampui ruok chu lamtluongpui a nih.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

ZEPHANIA 3:16

Chu ni chun Jerusalem kuoma chun, “Ṭi ta naw rawh: Aw Zion, i kut chu inzawitir naw rawh.

MATTHAI 20:6

Chun, zântieng chun a va suok a; mi dang lo ngîrhai chu a hmu a; an kuomah, ‘Iengdinga sûnnithlâka hitaka ngîr mei mei cheu am?’ a ta.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta sih a,” a ta, a dawn a

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni sih a.

JOSUA 13:1

Josua chu a hung upa a, a hung tar ta hle el a; chun, LALPA chun a kuomah, “I hung upain i hung tar ta hle el a, ram hlak chu lâk ding a la tam vieu sih a.

JOSUA 18:2

Israel thlahai lai chun an chan- puol la pêk ve lo hnam sari an la um a.

JOSUA 18:4

Hnam hran hran laia mi pathum seng inthlang suok unla, anni chu lo tir ka ta, anni chu inthawk an ta, ram chu va fang an ta, an chanpuol ding huntâwk ang sengin va ziek an ta, chun, ka kuomah hung kîr nâwk an tih.

RORELTUHAI 18:9

Anni chun, “Tho ro khai, hang thâwng ei tih, ram chu kan hang hmu ta ngei el le, a ṭha hle el a, in châng naw ding am a nih? Chu rama hang lûta hang hluo ding chun muong naw ro khai.