JOSUA 17:13 - Pathien Lekhabu Inthieng (BSI)

¹³ Israel thlahai chu an hung hrât deu deu phing chun, Kanaan mihai chu sinthawa hmang dingin an inumtir a, an hnawt suok fai rêt ta nawh.

JOSUA 17:13 Iomraidhean Croise

INṬANNA 49:15

Châwlna chu ṭhain a hriet a, Ram chu inhawiin a hriet bawk a. Chuongchun, iengkhat put dingin a liengko chu a sukhnuoi a, Kuli sinthawin siehlawah a hung um tah a.

2 SAMUEL 3:1

Saula sûnghai le David sûnghai chu sâwttak an indo a, David chu a hung hrât tiel tiel a, Saula sûnghai ruok chu an hung hrât naw tiel tiel tah a.

1 LALHAI 9:21

an thlahai chuong rama la um, Israel thlahaiin an sukbohmang vawng thei nawhai laia chun Solomonin siehlaw, sinthawa ruoi lui pâwl a siem a, tu chen hin a la nih.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 4:13

A mi sukhrâttu Krista zâra chun iengkim ka thaw thei a nih.

JOSUA 16:10

Chun, Gezera um Kanaan mihai chu an hnawt suok nawh a, Kanaan mihai chu Ephraim mihai laia chun tu chen hin an la um a, sinthawa ruoi dingin, siehlawah an um ta lem a nih.

2 PETER 3:18

Amiruokchu, ei Lalpa le San- damtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

RORELTUHAI 1:28

Israel thlahai chu an hung hrât tiel tiel china khan chu Kanaan mihai chu sinthawha ruoi dingin an inumtir a, an hnawt suok fai rêt ta nawh a.

RORELTUHAI 1:30

Zebulun chun Kitron khuoa umhai le Nahalal khuoa umhai chu a hnawt suok nawh a; Kanaan mihai chu anni lai an um veh a, sinthawha ruoi dingin an um ta lem a nih.

RORELTUHAI 1:33

Naphtali chun Beth-semesa umhai le Beth-anatha umhai a hnawt suok nawh a; chu rama um Kanaan mihai lai chun an um ve ta lem a; amiruokchu, Beth-semesa umhai le Beth-anatha umhai chu an sinthaw- a ruoi dingin an um tah a nih.

RORELTUHAI 1:35

Amor mihai ruok chu Har-heres tlânga dâm, Aijalona dâm, Saalbima dâm an um ta zing a, nisienlakhawm, Josef sûnghai kut chu an chungah a hrât a, an sinthawtua hmang dingin an hung um tah a.