JOSUA 15:4 - Pathien Lekhabu Inthieng (BSI)

⁴ Chun, Azmonah a fe pei a, Aigupta vadungah a suok a; chun, tuisuorietah ramri chu a tâwp a. Chu chu simtieng panga in ramri ding chu nîng a tih.

JOSUA 15:4 Iomraidhean Croise

INṬANNA 15:18

Chu ni chun LALPA chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

1 LALHAI 8:65

Chuongchun, chu ṭum chun Solomon le Israelhai po po, mipui pungkhâwmhai tamtak, Hamath khaw lûtnaa inthawka Aigupta ram vadung chena mihai chu LALPA ei Pathien hmaa chun ni sari sûng rau ruoi an ṭheh a.

FESUOKNA 23:31

Tuipui Sena inthawka Philistin tuipui chen le, thlalêra inthawka Euphrates vadung chenin i ramri chu khang ka ta; a ram hluotuhai chu i kutah ka pêk ding che a ni sih a; chun, nangin i hmaha inthawkin hnawt suok i tih.

ISAI 27:12

Chu nia chun LALPA chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel thlahai, a khât khâta rûtin um in tih.

NAMBAR 34:5

Chun, ramri chu Azmona in- thawk chun Aigupta vadung chenin kâwi a ta, a suokna chu tuisuorietah nîng a tih.

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

JOSUA 15:3

chun Akrabim fena simtieng panin a fe pei a, Zin a va tlung a, chun, Kades-barnea simtieng khan a feh a, Hezron a va tlung a, chun Adara khan a tungin a feh a, Karka a kuolkhum a,

JOSUA 15:47

Asdod le a sîrvêla khuohai le a khaw chînhai chu: Gaza le a sîrvêl khuohai le a khaw chînhai chu; Aigupta vadung le tuisuoriet lien le a kam chenin.