JOSUA 15:11 - Pathien Lekhabu Inthieng (BSI)

¹¹ chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infe- tir a; chun, Baala tlângah a fe pei a, Jabneelah a fe thla a, chuongchun, ramri chu tuisuorietah a va tâwp a.

JOSUA 15:11 Iomraidhean Croise

2 LALHAI 1:16

Chun, a kuomah, “LALPA chun hieng hin a ti a nih, ‘Ekronhai pa- thien Baal-zebub chu thu indawn dinga tirtâwnhai i lo tir hi, Israel rama hin Pathien rawn ding hrim an um naw lei a ni maw? chuleiin, khum i kainaa inthawk khan ṭum nâwk ta naw ti nih a, i thi ngei ngei ding a nih,’ tiin,” a ta.

2 LALHAI 1:6

Anni chun a kuomah, “Mi pa- khat keini mîn tuokpui dingin a hung a, kan kuomah, ‘Fe unla, kîr nâwk unla, lal a tirtu cheu kuoma chun hieng hin va hril ro, LALPA chun hieng hin a hril a nih, Israel rama hin Pathien a um ta naw leiin am a ni Ekronhai pathien Baal-zebub chu thu indawn dinga mi i tir chu? Chulei- chun, khum i kainaa inthawk khan ṭum nâwk ta naw ti nih a, i thi ngei ngei ding a nih,’ tiin, ti rawh, a tih a,” an ta.

2 CHANCHIN SUINA 26:6

Chun, a fe suok a, Philistin mihai ân dopui a; Gath kul le, Jabne kul le Asdod kul chu a suk- siet a; chun, Philistin mihai laia le Asdod biela chun khuohai a siem bawk a.

NAMBAR 34:6

Thlangtieng panga chun Tui- suoriet Lien chu a ramri dingin chang i ta, hi hi thlangtienga in ramri nîng a tih.

JOSUA 15:10

chun, ramri chu Baala-ah in- thawk chun thlangtieng panga Seir tlâng chenin ân kuol thla nâwk a; hmârtieng panga Jearim (chu chu Kesalon a nih) tlâng hrûlah a fe pei a; Beth-Semesah a suok a, Timnaah a fe pei a;

JOSUA 15:12

Chun, thlangtieng pang ramri chu tuisuoriet lientak le a kam chin po chu a nih. Chuong ramri chin po chu a nih Juda thlahai an sûngkuo izir ang peia ruot chu.

JOSUA 15:45

Ekron le a sîrvêl khuohai le a khaw chînhai chu:

JOSUA 15:9

chun, ramri chu tlâng sipa in- thawkin Nephtoa vadung tuihai chenin an infetir a; Ephron tlângah khawpuiahai chun a fe pei a; chun, ramri chu Baala-ah (chu chu Kiriath- Jearim a nih) an infetir a;

RORELTUHAI 1:18

Juda chun Gaza le a ram chin, Askelon le a ram chin, Ekron le a ram chin khawm a lâk a.

1 SAMUEL 17:52

Chun, Israel mihai le Juda mi- hai chu an tho a, an khêk a, Philistin mihai chu Gath chen le Ekron kul kawtkhâr chen rakin an hnawt tah a. Chun, Philistin mihai laia hliemhai chu Saaraim lampui intluonin Gath le Ekron chen chun an tlu phung el a nih.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israel- hai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui tah a.

1 SAMUEL 7:14

Chun, Philistin mihaiin Israel- hai khuo an lâkhai chu Ekrona inthawka Gath chenin Israel mihai an pêk kîr nâwk a, a ram chu Israel mihaiin Philistin mihai kuta in- thawkin an sansuok a. Chun, Israel mihai le Amor mihai chu inremin an um a.