JOSUA 15:10 - Pathien Lekhabu Inthieng (BSI)

¹⁰ chun, ramri chu Baala-ah in- thawk chun thlangtieng panga Seir tlâng chenin ân kuol thla nâwk a; hmârtieng panga Jearim (chu chu Kesalon a nih) tlâng hrûlah a fe pei a; Beth-Semesah a suok a, Timnaah a fe pei a;

JOSUA 15:10 Iomraidhean Croise

2 SAMUEL 6:2

Chun, David chu a tho a, Juda rama Baala khuoa inthawkin cherub- hai chunga chuong sipaihai LALPA hming an inputtir Pathien bâwm chu zu la dingin a kuoma mi um po pohai le chun an inthawk tah a.

2 LALHAI 14:11

Nisienlakhawm, Amazia chun a lo ngai nuom nawh a. Chuongchun, Israel lal Jehoas chu a hang feh a, Juda lal Amazia le chun Juda ram Bethsemes khuoa chun hmai sanah an inen ta ngei a.

2 CHANCHIN SUINA 28:18

Philistin mihai khawma Juda ram Simtienga phaia khawpuihai chu an hung rûn a, Beth-semes hai, Aijalon hai, Gederoth hai, Soko hai an khawperhai leh, Timna le a khaw- perhai leh, Gimzo le a khawperhai leh an lâk a, chuongahai chun an um a.

JOSUA 15:11

chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infe- tir a; chun, Baala tlângah a fe pei a, Jabneelah a fe thla a, chuongchun, ramri chu tuisuorietah a va tâwp a.

JOSUA 15:57

Kain, Gibea le Timna, khaw- puihai chu a khaw chînhai leh sâwm a nih.

JOSUA 19:38

Iron, Migdal-el, Horem, Beth- anath le Beth-semes an nih; khawpui sâwmpakuo a khaw chînhai leh,

JOSUA 21:16

Ain le a khaw kâwlvêlhai, Jutta le a khaw kâwlvêlhai, Beth- semes le a khaw kâwlvêlhai leh; chuong hnam hnihai chanpuola inthawka khawpui pakuohai chu an pêk a.

RORELTUHAI 14:1

Samson chu Timna khuoah a zu feh a, Timnaa chun Philis- tin mihai naunuhmeihai laia mi nuhmei pakhat hi a zu hmuh a.

RORELTUHAI 14:5

Chuongchun, Samson chu a nu le pa le chun Timnaa chun an zu feh a, Timnaa grêp huon hi an zu tlung a; chun, ngai ta, sakeibaknei vânglai hin a lo inrûm khum a.

1 SAMUEL 6:9

Chuongchun, ama ramri tieng lampui hrawin Beth-semesa chun a fe am en ta u; a fe chun ei chunga thil ṭha nawtak hi ama thaw nîng a ta, a fe naw chun a mi hremtu chu ama kut a lo ni nawh ti hrieng ei ta, ei chunga hung um ve hrim hrim nîng a tih,” an tih a.