JOSUA 10:10 - Pathien Lekhabu Inthieng (BSI)

¹⁰ LALPAIN anni chu Israelhai hmaa chun a sukbuoi tah a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 10:10 Iomraidhean Croise

2 SAMUEL 22:15

Chun, thalhai chu a kâp suok a, anni chu a sukdar a, Kâwl dâm ân leptir a, a sukbuoi tah a.

1 LALHAI 9:17

Chun, Solomon chun Gezer khuo dâm, Beth-horon khuo thlang hnung lem dâm,

2 CHANCHIN SUINA 14:12

Chuongchun, LALPA chun Asa hmaa le Juda mihai hmaa chun Ethiopia mihai chu a hung thawh a; Ethiopia mihai chu an tlânse tah a.

2 CHANCHIN SUINA 25:13

Chun, sipai pâwla mihai chu, indo dinga ama le fe lo dinga Amazia chun a tirkirhai khan Samaria inthawk Beth-horon chenin Juda ram khawpuihai chu an hang rûn a, mi sâng thum an that a, râllâk sum tamtak an lâk bawk a.

INPÂKNA HLABU 18:14

Chun, a thalhai chu a kâp suok a, anni chu a sukdar a, Anih, kâwlhai ân leptir zawt zawt zing a, a sukbuoi tâwl tah a.

INPÂKNA HLABU 44:3

Ram chu hluo dinga anni kâwl- hnâma an lâk a ni nawh a, Anni bâna insandam an ni bawk nawh; An chunga i lâwm leiin, I kut changtieng le, i bân le i hmêl varin a ni lem.

INPÂKNA HLABU 68:14

Iengkimthawtheiin chutaka chun lalhai chu a sukdar lai chu, Zalmon tlânga vûr sûr lai ang a nih.

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir tah a.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, LALPA chu Perazim tlânga a tho ang khan a tho ding a ni sih a, Gibeon ruoma a lunginsen ang khan a lunginsen ding a ni sih a.

ISAI 30:30

Chun, LALPA chun a râwl ro- puitak chu inhriettir tâng a ta, a lunginsenna nasatak le thil kâng- hmang meichawkin, thlipui le ruopui le rielin, a kut thlâk dân chu inentir tâng a tih.

JEREMIA 34:7

chuong lai chun Babulon lal sipaihai chun Jerusalem dâm, Juda rama khawpui mâksana la umhai po po dâm, Lakis le Azeka dâm chu an hung rûn mêk a; hieng khawpuihai chau hi Juda rama chun khawpui kul neia um sun chu an ta sih a.

ZEKARIA 14:3

Chun, LALPA chu fe suok a ta, indona nia a do angin, chuong hnam- hai chunga chun do a tih.

DÂN PAHNINA 7:23

An bohmang hma khat chu LALPA in Pathienin anni pêng a ti cheu a, buoi namênin anni sukbuoi naw nih.

JOSUA 10:11

Chun, Israel mihai hmaa an tlânsie a, Beth-horona inthawka liem thlâkna hmuna an um lai chun LALPAIN vâna inthawkin riel lien- tak takin Azeka chenin a zuk indêng- tir pei a, an thi a, Israel thlahaiin kâwlhnâma an sât hlum nêk hmanin riel dêng hlum chu an tam lem a nih.

JOSUA 10:28

Josua chun chu ni chun Makeda chu a lâk a, a lal khawm kâwlhnâmin a thawh a, chu khuoa um po pohai le chun a sukhlum fai rêt a, pakhat khawm hla hrim hrim a nei nawh. Jeriko lal chunga a thaw ang bawk khan Makeda lal chunga khawm a thawh a.

JOSUA 10:9

Chuongchun, zânkhuoa Gilgala inthawka hang fein Josua chun thâwk lekhatin anni chu a thaw ta thut a.

JOSUA 11:8

Chun, LALPAIN anni chu Israel- hai kutah a pêk a, an thawh a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei loin an that vawng a.

JOSUA 12:16

Makeda lal pakhat; Bethel lal pakhat;

JOSUA 15:35

Jarmuth, Adullam, Soko, Azeka,

JOSUA 15:41

Gederoth, Beth-dagon, Naama le Makeda khawpuihai chu a sîrvêl khuohai leh sâwmparuk a nih.

JOSUA 16:3

chun, thlangtieng panga chun Japhleti mihai ramri Beth-horon thlanghnung lem ramri, Gezer chen- in a fe thlah a, chu chu tuisuorietah a suok a.

JOSUA 16:5

Chun, an sûngkuo izir ang peia Ephraim thlahai ramri chu hieng ang hi a nih: saktieng panga an chanpuol ramri chu Ataroth-adar a nih, Beth- horon sakhnung lem chenin,

JOSUA 21:22

Kibzaim le a khaw kâwlvêlhai, Beth-horon le a khaw kâwlvêlhai leh khawpui pali an pêk a.

RORELTUHAI 4:15

Chun, LALPAIN Sisera le a tawlailîrhai po po le a sipaihai po po chu Barak hmaa chun kâwlhnâmin a sukbuoi tâwl tah a; Sisera chu a tawlailîra inthawk chun a ṭum a, kein a tlân hmang ta dai a.

RORELTUHAI 4:16

Barak chun tawlailîrhai le sipaihai chu Jentailhai ram Haroseth chenin a hnawt a; chuongchun, Sisera sipaihai po po chu kâwlhnâmin an that vawng a, pakhat khawm dam an um nawh.

RORELTUHAI 5:20

Vâna inthawkin arasihaiin an hung do a, An hmuna inthawkin Sisera chu an hung do a.

1 SAMUEL 13:18

chun, pâwl khat chun Beth- horon tieng pan lampui an hrawh a; chun, pâwl khat chun thlalêr dep Zeboim ruom tieng ngha ramri lampui chu an hrawh a.

1 SAMUEL 17:1

Chun, Philistin mihai chun indo dingin an sipaihai an kei khâwm ṭeu el a. Judai ram sûng Soko khuoah an pungkhâwm a; Ephes- dammim hmunah Soko khuo le Azeka khuo inkâra chun ṭhanghmun an khuor a.