JOSUA 1:7 - Pathien Lekhabu Inthieng (BSI)

⁷ Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniha khawm pêtsan dêr naw rawh.

JOSUA 1:7 Iomraidhean Croise

1 LALHAI 2:2

“Leihnuoi po po dân angin ka fe ve ding a ni tah a, chuongchun, hrât- takin um la, patlingtakin um rawh,

1 LALHAI 2:3

i thilthaw taphawta le i nghatna tieng poa i tluongtlung theina dingin Mosie Dân ziek anga, LALPA i Pathienin a lampuihai hraw ding le, a thuruot dâm, a thupêk dâm, a rorêl- hai dâm le, a thuinhriettir pawm dinga a pêkhai hi zâwm rawh;

2 LALHAI 22:2

Chun, LALPA mithmuah thil feltak a thaw hlak a, a pa David lampui po po chu a hraw veh a, chang- tienga manih, vawitienga manih a pêtsan nawh a.

1 CHANCHIN SUINA 22:13

Israel chungthua LALPAIN Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

2 CHANCHIN SUINA 15:7

Amiruokchu, insukhrât unla; in- thlada naw ro, in sinthaw chu lâwmman pêk in ni ding a ni sih a,” tiin.

2 CHANCHIN SUINA 26:5

Pathiena thil hmulâwk hriet- thiemna nei Zekaria dam sûng po chun Pathien chu zawng dingin ân siem a; LALPA chu a zawng sûng po chu, Pathien chun ân hlawtlingtir bawk a.

JOB LEKHABU (THE BOOK OF JOB) 1:8

Chun, LALPA chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si nawh a,” a tih a.

INPÂKNA HLABU 80:19

Aw LALPA, sipaihai Pathien, mîn nghatkîrtir nâwk la. I hmêl kha sukvar la, chuongchun, sandamin um kan tih.

THUVARHAI 4:27

Changtieng khawm, vawitieng khawm pêt naw la, Suola inthawk i ke her hmang rawh.

THUVARHAI 8:20

Felna lampuia chun ka feh a, Rorêlna lampuitakhaia chun.

DANIEL 10:19

Ama chun, “Aw nasataka dit- saka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um tah a, “Ka lalpa hin thu hril raw se, i mi sukhrât ta sih a,” ka ta.

NAMBAR 27:23

chun, a chungah kut ân nghat a, Mosie hmanga LALPAIN a hril ang khan thuneina a pêk tah a.

DÂN PAHNINA 11:8

“Chuleiin, in hung hrât a, in va pan ram chu in hluo theina dingin tuta thu ka pêk cheu, thupêk po po hi in zâwm ding a nih;

DÂN PAHNINA 12:32

“Thaw dinga thu ka pêk ta- phawt cheu chu in thaw ding a na, in belsa ding a ni nawh a, in suktlâwm ding a ni bawk nawh.

DÂN PAHNINA 28:14

a thuhai hi a ieng khawm hi changtienga manih, vawitienga ma- niha pathien danghai zui le rawng- bâwl dinga in pêtsan naw phawt chun.

DÂN PAHNINA 29:8

An ram chu ei lâk a, Reuben mihai, Gad mihai, Manasse hnam zâtve hai hluo dingin ei pêk a.

DÂN PAHNINA 29:9

Chuongchun, in thil thaw po poa in tluongtlung pei theina dingin hi thuthlung thuhai hi pawm unla, zâwm ro.

DÂN PAHNINA 31:7

Chun, Mosie chun Josua chu a ko a, Israel mi po pohai mithmuah a kuomah, “Hrâttak le huoitakin um rawh, hieng mihai kuoma hin an pi le puhai LALPAIN inkhâma pêk a lo tiem ta rama chun i fe ve ding a nih, anni hi în hluotir ding a nih.

DÂN PAHNINA 4:2

LALPA in Pathien thupêk ka pêk cheu hi in pawm theina dingin, thu ka pêk cheu hi in belsa ding a ni nawh a, in suktlâwm ding a ni bawk nawh.

DÂN PAHNINA 5:32

Chuleiin, LALPA in Pathienin thu a pêk cheu anga thaw dingin fîmkhur ro; changtienga manih, vawitienga manih in pêt ding a ni nawh.

JOSUA 1:1

LALPA siehlaw Mosie chu a thi hnung chun, Mosie rawngbâwltu Nun naupa Josua kuoma chun LALPAIN,

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuong- chun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.

JOSUA 11:15

LALPAIN a siehlaw Mosie thu a pêk ang bawkin, Mosie khawmin Josua chu thu a pêk veh a, chuong ang tak chun Josua chun a thaw pei a, LALPAIN Mosie thu a pêk po po chu thaw naw hrim a nei dêr nawh.

JOSUA 23:6

Chuleiin, Mosie dân lekhabua ziek po pohai hi changtienga manih, vawitienga manih in pêtsan nawna dingin huoitakin pawm unla, thaw bawk ro;