JOSUA 1:6 - Pathien Lekhabu Inthieng (BSI)

⁶ Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni sih a.

JOSUA 1:6 Iomraidhean Croise

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

2 SAMUEL 10:12

Huoitakin um unla, ei mihai le ei Pathien khuohai sanin insuk pasal ei tiu; chun, LALPA chun ṭha a ti ang peiin thaw raw se,” a ta.

1 LALHAI 2:2

“Leihnuoi po po dân angin ka fe ve ding a ni tah a, chuongchun, hrât- takin um la, patlingtakin um rawh,

1 CHANCHIN SUINA 22:13

Israel chungthua LALPAIN Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

1 CHANCHIN SUINA 28:10

Tuhin fîmkhur la; hmun in- thieng ta dinga in bâwl dingin LALPA chun a ruot ta si cheh a; insukhrât la thaw nghâl rawh,” tiin.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; LALPA Pathien, ka Pathien ngei chu i kuomah a um sih a; LALPA ina rawngbâwlna sin po pohai chu zo a ni vawng hmakhat chun inhlawsamtir naw ni cheh a, nghatsan bawk naw ni che.

2 CHANCHIN SUINA 15:7

Amiruokchu, insukhrât unla; in- thlada naw ro, in sinthaw chu lâwmman pêk in ni ding a ni sih a,” tiin.

2 CHANCHIN SUINA 20:11

ngai ta, nangin hluo dinga i mi pêk, i chana inthawka hunga mi hnawt suok dinga an mi hung thaw- zie hi lo hre la.

2 CHANCHIN SUINA 20:7

Aw kan Pathien, i mi Israelhai hmaah hi ram hluotuhai hi i hnawt suokin, i ruolpa Abraham thlahai kuomah kumkhuoa dingin i pêk a ni naw am a nih?

INPÂKNA HLABU 27:14

LALPA chu nghâk zing rawh, Hrâttakin um la, i lungril chu insukhuoi raw se; Anih, LALPA chu nghâk zing rawh.

DANIEL 10:19

Ama chun, “Aw nasataka dit- saka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um tah a, “Ka lalpa hin thu hril raw se, i mi sukhrât ta sih a,” ka ta.

HAGGAI 2:4

Anachu, Aw Zerubbabel, tuhin insukhrât rawh,’ LALPA chun a ti a nih; LALPA chun, ‘Aw Josua, nang Jehozadak naupa thiempu lal, in- sukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai LALPA chun a tih:

ZEKARIA 8:9

Sipaihai LALPA chun hieng hin a tih, “LALPA in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretu- hai, in kuthai chu sukhrât ro.

NAMBAR 26:53

“Hienghai hi an hming tam dân ang hu peiin ram hi sempêk ding a nih.

NAMBAR 33:53

chun, ram chu hluong in ta, chutaka chun um in tih; in hluo dingin ram chu ka pêk ta cheu a nih.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

DÂN PAHNINA 1:21

Ngai ta u, LALPA in Pathien chun ram chu a pêk diem ta cheu a nih; hang fe unla, LALPA in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka tih a.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma LALPAIN a pêk ram chu va hluo ro,’ tiin.

DÂN PAHNINA 11:8

“Chuleiin, in hung hrât a, in va pan ram chu in hluo theina dingin tuta thu ka pêk cheu, thupêk po po hi in zâwm ding a nih;

DÂN PAHNINA 31:23

LALPA chun, Nun naupa, Josua chu ân fui a, “Seltak le huoitakin um rawh khai, Israel thlahai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a tih a.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

JOSUA 1:18

Tukhawm i thupêk chunga hela, thu i pêk taphawt zâwm nuom lo chu sukhlum ding nîng an tih, hrâttak le huoitakin um phawt el rawh,” tiin.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniha khawm pêtsan dêr naw rawh.

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.

JOSUA 10:25

Josua chun an kuomah, “Ṭi naw unla, zâm bawk naw ro, hrâttak le huoitakin um lem ro; in hmêlmahai po po in dohai chungah LALPA chun hieng ang hin a thaw pei ding a nih,” a ta.

JOSUA 13:6

Lebanona inthawka Misrephoth- maim hmun chenin, tlâng rama chênghai po po, Sidon mihai po po chu. Anni chu Israel thlahai hmaa hin hnawt suok ka ta, thu ka pêk ang che khan Israelhai rochanah siempêk phawt el rawh.

JOSUA 18:3

Chuongchun, Josua chun Israel thlahai kuoma chun, “LALPA in thlatuhai Pathienin a lo pêk ta cheu ram hi ieng chen am hluo loa la muong ding in nih a?

JOSUA 21:43

Chuongchun, LALPAIN an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluoh a, a sûngah an chêng tah a.

JOSUA 5:6

LALPA râwl an ngai nuom naw leiin mipui po po Aiguptaa inthawka hung suok, râl kap mihai chena, sukbohmanga an um vawng chenin Israel thlahai chu kum sâwmli zet thlalêra chun an invâk a, LALPAIN an thlatuhai kuoma nênetui le khuoi- zua luong ram inkhâma eini mi pêk a lo tiem kha, chu ram chu hmu lo dingin LALPAIN an kuomah ṭawng ân khâm a nih.

1 SAMUEL 4:9

Aw, nangni Philistin mihai, in siehlawa an um ang khan Hebraihai siehlawah in um nawna dingin hrâttakin um unla, insukpasal ro khai, insukpasal unla thaw pei ro,” an ta.