JOHAN 9:16 - Pathien Lekhabu Inthieng (BSI)

¹⁶ Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak thaw thei a ta?” an ta. An inṭheh a, an inkhing tah a.

JOHAN 9:16 Iomraidhean Croise

MATTHAI 12:10

Chun, ngai ta, mi pakhat kut zeng a lo um a, chun, an hêk theina dingin, “Châwlniin sukdam a thieng am?” tiin Isu an indawn a.

MATTHAI 12:2

Chun, Pharisaihaiin chu chu an hmu chun a kuomah, “En ta, i inchûktirhaiin Châwlnia thaw thieng naw chu an thaw hi,” an ta.

LUKA 13:14

Chun, Isûn Châwlniin mi a sukdam leiin inkhâwmna in hotu chu a lunginsen a, mipui chu a biek a, an kuomah, “Mihriem sinthawna ding ni ruk a um annâwm; chu sûng chun hung unla, insukdam ro; Châwlnia hung loin,” a ta.

JOHAN 10:19

Chuong thu lei chun Judahai an inṭheh a, an inkhing nâwk a.

JOHAN 14:11

Kei Paa ka um le keimaa Pa a um ti hi mi ring ro; annawleh, thilthaw lei bêk hin mi ring ro.

JOHAN 15:24

Thil, mi dang tukhawm ithaw ngainawhai anni lai thaw naw lang chu, suol an nei naw ding bah; tu ruok hin chu annîn kei le ka Pa kan pahniin an mi hmu tah a, theida khawm an mi theida tah a nih.

JOHAN 2:11

Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring tah a.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 5:10

Chuongchun, Judahaiin suk- dama um kuoma chun, “Châwlni a ni hi, i puonpha i lâk a thieng nawh ie,” an ta.

JOHAN 5:36

“Nisienlakhawm, inhriettirna ka nei hi Johan inhriettirna nêk khan a ropui lem a nih; Pain thil thaw zo dinga a mi pêk, ka thilthaw ngei hin Pain a mi tir a ni ti ka chanchin ân hriettir a nih.

JOHAN 6:52

Chuongchun, Judahai an insêl a, “Hi mipa hin iengtin am a taksa fâk dingin mi pe thei a ta?” an ta.

JOHAN 7:12

A chungah mipuihai laia mi an chier sup sup a, a ṭhenin, “Mi ṭha a nih ie,” an tih a; ṭhenkhatin, “Teu lo e, mipui a hlêm lem hlak a nih,” an ta.

JOHAN 7:23

Mosie Dân bawsiet nawna dingin Châwlnia khawm pasalin ser ân tantir si chun, keiin Châwlnia mi ka sukdam hieu leiin ka chungah in lunginsen bîk maw?

JOHAN 7:43

Chuongchun, ama leiin mipui chu an inṭheh a, an inkhing tah a.

JOHAN 9:24

Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.

THILTHAWHAI 14:4

Chun, khuoa mipuihai chu an inkhing tah a; aṭhenin Judahai chu an ṭan a; aṭhenin tirkohai chu.