JOHAN 7:4 - Pathien Lekhabu Inthieng (BSI)

⁴ Tûkhawmin mâni hming inthang nuom siin arûkin thil iengkhawm an thaw nawh. Hieng thilhai hi i thaw tak zet chun, khawvêl kâwlah inentir rawh,” an ta.

JOHAN 7:4 Iomraidhean Croise

1 LALHAI 22:13

Chun, Mikaia va ko dinga an tir chun a kuomah, “Ngai ta khai, zâwl- neihai hin thu inang vawngin a ṭha tiengin lal kuoma hin thu an hril seng a, an hril ta ang seng chun hang hril ve la, a ṭha tiengin hang hril ve rawh aw,” tiin a hril a.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 4:6

Chun, a kuomah, “Pathien Nau- pa i ni chun tla thla rawh; ‘I chungchânga chu a vântirkohai chu thu pêng a ta, An kutin dawm an ti cheh a, Chuong naw chun I kein lung sui hlau rawi i tih,’ ti ziek a ni si a,” a ta.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak sih a. Titakzetin ka hril cheu hi, an lâwmman chu an hmu zo tah.

MATTHAI 6:5

“Chun, in ṭawngṭaiin, mi vervêk- hai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina sih a. Titakzetin ka hril cheu, an lâwmman chu an hmu zo tah.

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni sih a.

JOHAN 18:20

Isûn a dawn a, a kuomah, “Khawvêl kuomah, tlâng hrietah thu ka hril hlak kha; inkhâwmna in le, Pathien biekin, Juda po po um khâwmnaahai chun, kân chûktir rawp hlak kha, iengkhawm inrûkin ka hril nawh.

JOHAN 7:3

Chuongchun, a unauhaiin a kuomah, “Hitaka inthawkin Judai ramah va fe rawh, i închûktirhai khawmin i thilthaw hi an hmu theina dingin.

JOHAN 7:5

(A unauhai khawm chun ama an ring si nawh a).