JOHAN 5:40 - Pathien Lekhabu Inthieng (BSI)

⁴⁰ Nisienlakhawm, hringna nei dingin ka kuomah in hung nuom si nawh.

JOHAN 5:40 Iomraidhean Croise

INPÂKNA HLABU 81:11

Nisienlakhawm, ka mihai chun ka râwl an ngai si nawh a; Israelhai chun an mi dit naw kha.

ISAI 49:7

LALPA Israelhai intlantu le an Mi Inthieng chun, nasataka hmusita um le hnamhai iten, rorêltuhai sie- hlaw kuoma chun hieng ang hin a hril, “LALPA ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

MATTHAI 22:3

Chun, inneina ruoiṭhe fa dinga a fielhai chu ko dingin a suokhai a tir a; nisienlakhawm, an hung nuom nawh a.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

JOHAN 1:11

Ama mihai kuomah a hung a, ama mihaiin an lo lâwm si nawh.

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni sih a.

JOHAN 5:41

“Mihriem ichawimawina ka pawm nawh.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta sih a,” a ta, a dawn a

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:23

Suol man chu thina a ni sih a; Pathien thilthlâwnpêk ruok chu ei Lalpa Krista Isu zârah chatuona hringna a nih.

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.