JOHAN 4:39 - Pathien Lekhabu Inthieng (BSI)

³⁹ Chun, nuhmei chun, “Ka thil- thaw po a mi hril pei,” tia ân hriet- tirna thu lei khan, chu khuoa um Samari mi tamtakin Isu an ring tah a.

JOHAN 4:39 Iomraidhean Croise

MATTHAI 10:5

Chuong sâwm le pahni hai chu Isûn a tir suok a, an kuomah thu a pêk a: “Jentailhai lampuiah fe naw unla, Samari mihai khuo hrim hrima khawm lût naw ro;

JOHAN 1:37

Chun, a închûktirhai pahni chun a thu hril chu an hriet a, Isu an zui tah a.

JOHAN 11:45

Chuleichun, Mari lêngpuitu Isu thilthaw hmu Juda mi tamtakin Isu an ring tah a.

JOHAN 4:29

“Ka thilthaw taphawt mi hril peitu mi pakhat a um a, hung unla, en ta u, Krista a ni thei âwm am?” a ta.

JOHAN 4:30

Chun, anni chu khuoa inthawk chun an hung suok a, a kuom tieng an pan tah a.

JOHAN 4:38

In inrimpui naw sîk dingin ka tir cheu hi; mi dangin a thawh a, nangnîn a thawsa chu in sunzawm a nih,” a ta.

JOHAN 4:40

Chuongchun, Samari mihai chu Isu kuomah an hung a, an kuoma um dingin an ngên an ngên a; chuongchun, chutaka chun ni hni a châm a.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet tah a, hi mipa hi khawvêl Sandamtu a ni ngei ti kan hriet tah,” an ta.

JOHAN 4:5

Chuongchun, Samari ram khaw pakhat, Sukar an ti chu a hung tlung a, Jakobin a nau Josef kuoma hmun a ipêk kâwl kha.

JOHAN 4:8

(A închûktirhai hlak chu fâk ding inchaw dingin khuoah an fe ta sih a.)