JOHAN 3:32 - Pathien Lekhabu Inthieng (BSI)

³² A hmu le a hriet taphawt ân hriettir hlak a nih; tukhawmin a thu inhriettir an awi nawh.

JOHAN 3:32 Iomraidhean Croise

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 53:1

Kan thuhril tuin am a ring a? LALPA kut chu tu kuom am ân lang a?

MATTHAI 7:8

nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawng- pêk ning an tih.

JOHAN 1:11

Ama mihai kuomah a hung a, ama mihaiin an lo lâwm si nawh.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta sih a.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:26

Johan kuomah an hung a, a kuomah, “Rabbi, Jordan râla i kuoma um, a thu mi în hriettir khan, ngai ta, kha pa khan mi a baptis a, mi po po a kuomah an hung a nih,” an ta.

JOHAN 3:33

A thu inhriettir awi chun, ‘Pathien chu mi indiktak a nih,’ tiin a hming namin a ziek.

JOHAN 5:20

Pain Naupa a hmangai a, a thilthaw taphawt a kuomah ân entir hlak; hieng nêka thil ropui lem hi a kuomah lân entir a tih, mak in ti dingin.

JOHAN 8:26

Nangni chungchâng thua hin thil tamtak hril ding le ngaituo ding ka nei; ieng khawm ni raw se, a mi tirtu chu mi indiktak a nih; a kuoma inthawka thu ka hriet taphawt khawvêl kuomah ka hril hi,” a ta.