JOHAN 2:11 - Pathien Lekhabu Inthieng (BSI)

¹¹ Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring tah a.

JOHAN 2:11 Iomraidhean Croise

1 LALHAI 17:24

Nuhmei chun Elija kuoma chun, “Tu zet hin chu Pathien mi i na, i baua LALPA thu hi thutak a nih ti ka hung hriet tah,” a ta.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

INPÂKNA HLABU 96:3

Hnam tin lai chun a ropuizie hril unla, Mi tinrênghai lai chun a thilmak thawhai hril ro.

FESUOKNA 14:31

Israelhai chun Aigupta mihai chunga LALPAIN thil ropuitak a thaw chu an hmuh a, mipui chun LALPA chu an ṭi tah a; LALPA le a siehlaw Mosie chu an ring tah a.

FESUOKNA 4:9

Chun hi inchiknahai pahni khawm hi an la ring nawh a, i rawl khawm an la ngai naw rawp chun, vadung tui lâng i ta, hnuoi hul chungah buok i tih; chun, vadunga inthawka tui i lâk chu hnuoi hul chunga chun thisen hung nîng a tih,” a tih a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pa- thien chun i sinthawhai chu a pawm ta sih a.

ISAI 40:5

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 1:43

Chun, a zînga chun Isu Galili ramah fe a tum a, Philip a hmuh a, “Mi zui rawh,” a ta.

JOHAN 1:50

Isûn a kuomah, “ ‘Theichang bulah ka hmu che,’ i kuoma ka ti leiin i ring a ni maw? Hieng nêka thil ropui lem la hmûng i tih,” a ta, a dawn a.

JOHAN 10:41

Chun, mi tamtak a kuomah an hung a, “Johanin thilmak iengkhawm chu a thaw nawh a; nisienlakhawm, Johanin hi mipa chungchâng thu a hril taphawt kha chu ân dik hle hi,” an ta.

JOHAN 11:15

Chutaka ka um naw chu ka lâwm pêk cheu, in ring theina dingin; nisienlakhawm, a kuomah fêng ei tiu,” a ta.

JOHAN 11:47

Chuongchun, thiempu lalhai le Pharisaihai chun rorêltuhai an ko khâwm a, “Iengtin am thâwng ei ta? Hi mipa hin thilmak tamtak a thaw sih a.

JOHAN 12:18

Chu lei chun a nih mipuihai khawmin ama chu an tuok chu; chu thilmak chu a thaw ti an hriet sih a.

JOHAN 12:37

An hmaah chuong ang thilmak tamtak thaw sienla khawm ama an ring si nawh:

JOHAN 12:41

Isaiin a ropuizie a hmu le a chanchin a hril lei hin chuong thu chu a hril a nih.

JOHAN 14:13

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

JOHAN 16:27

Pa ngeiin a hmangai si cheu a, nangnîn kei in mi hmangai a, Pathiena suok ka nih ti in ring leiin.

JOHAN 16:30

Nangin iengkim i hriet a, tukhawm indawn che i ngai nawh ti tuhin kan hriet tah; hi hi lei hin Pathien kuoma hung suok i ni ti kan awi ie,” an ta.

JOHAN 2:1

Chun, ni thum niah, Galili rama Kana khuoah inneina ruoiṭhe a um a, chutaka chun Isu nu a um a.

JOHAN 2:23

Chun, Fekân Ruoiṭhea Jerusa- lema a um lai chun, a thilmak thawhai an hmuh a, mi tamtakin a hming an ring tah a.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 4:3

Judai ram chu a fe san a, Galili ramah a fe tah a.

JOHAN 4:46

Chun, Galili rama Kana khuo, tui uoina ân changtirna kha a hung tlung nâwk a. Chun, upa tû amanih a um a, a naupa Kapernaumah a damnawh a.

JOHAN 4:54

Chu chu Isu thilmak a thaw vawi hnina a nih, Judai rama inthawka Galili rama a hungin.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 6:14

Chun, mihai chun thilmak a thaw chu an hmu phingleh, “Hi mipa hi zâwlnei, khawvêla hung ding kha a ni ngei hi,” an ta.

JOHAN 6:2

Chun, damnaw chunga thilmak a thawhai chu an hmu leiin mipui tamtakin ama an zui a.

JOHAN 6:26

Isûn an kuomah, “Titakzetin, titakzetin ka hril cheu hi, thilmakhai in hmu leia mi zawng in ni nawh a, bei in fâk khawp leia mi zawng in ni lem hi.

JOHAN 6:30

Anni chun a kuomah, “Inchikna ieng am thâwng i ta, kan hmua kan ring theina ding chein? Thil ieng am thâwng i ta?

JOHAN 7:31

Mipui a ṭhen tamtak ruok chun ama chu an ring a, “Krista chu a hung tlung pha khawm, hi mipa thaw nêka tam thilmak a hung thaw ding am a nih?” an ta.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak thaw thei a ta?” an ta. An inṭheh a, an inkhing tah a.

2 KORINTH 3:18

Chuongchun, keini chu kan rêngin hmai inkhum loin, hlimen anga Lalpa ropuina sunvarin, ropui- naa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawk- a kan hmu ang peiin.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

DÂN PAHNINA 5:24

‘Ngai ta, LALPA ei Pathien chun kan kuomah a ropuizie le a lienzie ân langtir a, meia inthawka a râwl chu kan hriet a; Pathienin mi a biek khawma thina a ni chuong nawzie chu vawisûn hin kan lo hriet tah a.

1 JOHAN 5:13

Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.