JOHAN 18:11 - Pathien Lekhabu Inthieng (BSI)

¹¹ Chuongchun, Isûn Peter kuom- ah, “Kâwlhnâm kha a bâwmah thun rawh; Pain no, kei a mi pêk hi ka dâwn naw ding am a nih?” a ta.

JOHAN 18:11 Iomraidhean Croise

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? LALPAIN a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

INPÂKNA HLABU 75:8

LALPA kuta chun no a um sih a, a uoin chu a phul a, Thil dang le chawkpawlin a sip a, chutaka inthawk chu a bunsuok a. Matheiloin a nenghai chen chun hnuoia mi rilohai chun dâwn fai rêt an tih.

EZEKIEL 23:31

I unaunu lampuia chun i lo fe tah a; chuleiin, ama no chu i kutah ka pêk ding a nih.

MATTHAI 20:22

Isu ruok chun “In hni hi in hriet naw a nih, ka no dâwn ding chu in dâwn thei am a nih?” a ta, a dawn a. Annîn a kuomah, “Thei e,” an ta.

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni loin, nangma thu thu ni lem raw se,” tiin a ṭawngṭai a.

MATTHAI 26:42

Chun, vawi hninaah a va feh a, a ṭawngṭai nâwk a, “Aw Pa, ka dâwn loa hi no hin a mi khêl thei lul naw chun, nangma thu thu ni raw se,” a ta.

LUKA 12:30

Khawvêla hnam po poin chuong po po chu an zawng hlak, chuong chu in mamaw ti in Pa vâna miin a hriet zing sih a.

LUKA 22:42

“Pa, rem i ti chun, hi no hi ka kuoma inthawkin la hmang rawh; nisienlakhawm, keia thu ni loin, nangma thu thu ni lem raw se,” a ta.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

JOHAN 18:36

Isûn, “Ka ram chu hi khawvêla mi hi a ni nawh; ka ram chu hi khawvêla mi hi ni sienla, ka rawi- haiin thâwng an tih, Judahai laia pêka ka um nawna dingin; nisienlakhawm, ka ram chu hitaka mi hi a ni nawh,” a ta, a dawn a.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

2 KORINTH 10:4

(keini râldo inthuomna chu tisaah a ni si nawh a, kulpui dettak- hai ṭhiekna dinga Pathien zâra thil thaw thei tak a ni lem),

2 KORINTH 6:7

Thutak thua dâm, Pathien thilthawtheinaa dâm, changtieng le vawitienga felna hriemhreihaiin,

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.