JOHAN 17:3 - Pathien Lekhabu Inthieng (BSI)

³ Hi hi chatuona hringna a nih: nang Pathien tak chau le i tir Isu Krista hriet hi.

JOHAN 17:3 Iomraidhean Croise

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:3

Chuongchun, hun sâwttak el chu Israel ram chu Pathien indiktak bo, inchûktirtu thiempu le dân boin an lo um tah a;

INPÂKNA HLABU 9:10

Chuongchun, i hming hretuhai chun ring an ti cheh a, Nang chun chu, LALPA, nangma zawngtuhai che chu i mâksan ngai si nawh a,

THUVARHAI 8:35

Tukhawm a mi hmu suoktu chun hringna chu a hmu suok a, LALPA ditsakna chu chang a tih.

ISAI 48:16

Nangnirawi hin mi hung hnai unla, lo ngai ro; a tira inthawk khan arûkin thu ka hril ngai nawh a; a um tîr laia inthawk khan chutaka chun ka um a; tuhin LALPA Pathien chun keima le a thlarau chu a mi tir tah a.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MARKA 9:37

“Tûkhawm keia hming leia hieng ang naupang chîte pakhat khawm lâwm chu keia mi lâwm ning a tih; tûkhawm keia mi lâwm chu a mi tirtu lâwm ni lem a tih,” a ta.

LUKA 9:48

an kuomah, “Tûkhawm, ka hming leia hi naupangte lâwm taphawt chu kei a mi lâwm ning a ta, tukhawm kei mi lâwm chu a mi tirtu lâwm nîng a tih, nangni laia chîntak hi a nih a ropui chu,” a ta.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 11:42

Kumkhuoin ka thu i ngai hlak ti ka hriet zing a nih; nisienlakhawm, mipui ngîr khup lei hin chu chu ka ti a nih, nangin i mi tir ti an ring theina dingin,” a ta.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 17:18

Nangin khawvêla kei i mi tir ang khan, kei khawmin anni chu khawvêlah ka tir hi.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

JOHAN 17:25

Aw Pa feltak, khawvêl chun an hriet naw cheh a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:8

Nangin thu i mi pêkhai kha an kuoma ka pêk ta sih a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:17

Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

JOHAN 6:57

Pa hring chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

JOHAN 7:29

Kei ruok chun ama chu ka hriet; a kuoma inthawka hung suok ka na, ama chun a mi tir a ni sih a,” a ta.

JOHAN 8:19

Chun, anni chun a kuomah, “I pa khâwlai am?” an tih a. Isûn “Nangnîn kei in mi hriet nawh, ka Pa khawm in hriet nawh; kei mi hrie ni unla chu, ka Pa khawm hrieng in tih,” a ta.

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

PHILIPPI 3:10

Krista le a thonâwkna thil- thawtheina chu ka hriet chieng theina ding le a tuornahai inṭawm- puia, a thinaa ama ang ka hung ni theina dingin;

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

1 THESSALONIKA 1:9

Nangni laiah ieng ang lawm- lûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

2 PETER 1:2

Pathien le ei Lalpa Isu hrietnaa chun in chungah lunginsietna le inremna sukpungin um raw se.

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk sih a.

2 PETER 1:8

Chuong chu in ta a na, a pung pei si chun, ei Lalpa Isu Krista hrietna kawnga hin zawmthaw lo le ra nuom takin a siem cheu a nih.

1 JOHAN 1:2

(chu hringna chu a hung inlang tah a, kan lo hmuh a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.