JOHAN 17:21 - Pathien Lekhabu Inthieng (BSI)

²¹ Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 17:21 Iomraidhean Croise

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

MARKA 3:24

Ram khawm ama le ama ân do chun, chu ram chu ngîr suok thei naw ni.

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 10:30

Kei le Pa chu pumkhat kan nih,” tiin a dawn a.

JOHAN 10:38

Amiruokchu, thaw ka ni chun, kei mi ring naw unla khawm, sin- thawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 11:42

Kumkhuoin ka thu i ngai hlak ti ka hriet zing a nih; nisienlakhawm, mipui ngîr khup lei hin chu chu ka ti a nih, nangin i mi tir ti an ring theina dingin,” a ta.

JOHAN 13:32

Pathien chu amaah chawi- mawiin a um chun, Pathien khawmin amaa chun ama chu chawimawi a tih, chawimawi nghâl a tih.

JOHAN 13:35

In inhmangai tuo chun mi po poin ka închûktirhai in ni ti chutaka chun hrieng an tih,” a ta.

JOHAN 17:11

Chun, kei chu khawvêlah um ta naw ning, hienghai hi chu khaw- vêlah um an tih, kei chu i kuomah ka hung ding a ni tah. Pa Inthieng, anni chu I hmingin hum rawh, I hming mi pêk khan, eini ang bawka pumkhat an ni theina dingin.

JOHAN 17:18

Nangin khawvêla kei i mi tir ang khan, kei khawmin anni chu khawvêlah ka tir hi.

JOHAN 17:20

“Hienghai ta ding chau hin ngên pêk ka ni nawh, an thu leia kei mi la hung ring dinghai ta ding khawma ngênpêk ka ni bawk ie, an rênga pumkhat an nina dingin;

JOHAN 17:25

Aw Pa feltak, khawvêl chun an hriet naw cheh a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 17:8

Nangin thu i mi pêkhai kha an kuoma ka pêk ta sih a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:17

Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

THILTHAWHAI 2:46

Ni tin lungril hmunkhatin Pathien biekina chun ṭhahnem- ngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmun- khatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:5

chuong ang bawkin, eini tamtak ni inla khawm Kristaa chun taksa pumkhat ei na, amal malin inpêng tuo seng ei nih.

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pum- khat an ni sih a; Krista chu chuong ang bawk chu a nih.

1 KORINTH 6:17

Lalpa inzawmpui ruok chu ama leh Thlarau pumkhat an nih.

GALATI 3:28

Chutaka chun Juda mi an um thei nawh a, Grik mi khawm an um thei bawk nawh; suok an um thei nawh a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni sih a.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thla- rau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

1 JOHAN 5:7

Inhriettirtu chu pathum an um,