JOHAN 16:21 - Pathien Lekhabu Inthieng (BSI)

²¹ Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

JOHAN 16:21 Iomraidhean Croise

INṬANNA 3:16

Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisien- lakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.

JOB LEKHABU (THE BOOK OF JOB) 11:16

I rinum tuorhai chu i theinghil ta âwm sih a; Tui luong hmang tahai ang chau chun hre zing i tih.

INPÂKNA HLABU 113:9

Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; LALPA chu inpâk ro.

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain nasatakin a mi man tah; naa hre thei naw khawp hielin na ka tuor a; khaw hmu thei lo khawp hielin ka lunginzîng a.

ISAI 66:7

Ama chun invawi hman loin nau a nei a; na hre hman loin naupasal a nei a.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

MIKA 4:9

Iengdinga i ṭap rak am a na? I sûngah laltak chu a um naw am a nih? I remruottu chu a bohmang ta am a nih? Nuhmei nau invawi anga natnain a man el ta che chu!

GALATI 4:27

“Nang ching, nau nei ngai lo hlim rawh. Nang nauha invawi ngai lo khêk suok rawh; Pasal nei mi nêk chun khawsâwtnu chun Nauhai a nei tam lem sih a,” ti ziek a ni kha.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârloin an chungah bohmangna hung tlung a tih, pumpel naw tawp an tih.